Колоссадағыларға 2:13 - Наа Молҷағ

¹³ Сірер чазыхтарда чуртааннарыңда, Молҷағны пілбинчеткен, Худайы чох, істіңер ӧліг кізілер полғазар. Худай, тізең, сірерні Христоснаң хада тірілдірібіскен. Піске прай чазыхтарыбысты позыдып,

Колоссадағыларға 2:13 ပူးပေါင်းရင်းမြစ်များ

Лука 15:24

Минің оолғым ӧліг полған, амды тіріл килді, чіт парған полған, амды табылды». Анаң кӱлеттеп сыхханнар.

Лука 15:32

че харындазыңның, ӧліг полып, тіріл килгеніне, чіт парып, табылғанына ӧрініп, кӱлеттирге кирекпіс».

Лука 9:60

Ӧліглер ӧліглерін постары чығзыннар. Син, парып, Худай хан-ӱлгӱзінеңер хабарлап чӧр, – теен ағаа Иисус.

Иоанн 5:21

Хайди Пабазы ӧліглерге, тірілдіріп, чуртас пирче, Оолғы даа, кемге пирерге хынза, ағаа чуртас пирче.

Иоанн 6:63

Худай Худы ла чуртасты пирче, мында кізінің кӱзі чоғыл. Минің чоохтапчатхан сӧзім чуртас пирчеткен Худайның Худы полча.

Римдегілерге 4:17

Худай Пічиинде ідӧк пазылых: «Мин сині кӧп чоннарның адазы ит салғам». Авраам ӧліглерні тірілдірчеткен паза чох нимені пар итчеткен Худайға киртін парғаннаңар, Худайның кӧрізінде пістің пабабыс полыбысхан.

Римдегілерге 6:13

Идіңернің чардыхтарын пірдеезін чазыхтың ӱлгӱзіне пирбеңер, чабалның тириине айландырбаңар. Ӧліглердең тіріл парған постарыңны, сынның тирии идіп, Худайның ӱлгӱзіне пир салыңар.

Римдегілерге 8:11

Иисусты ӧліглердең Тірілдірібіскеннің Худы сірерде чуртапча. Андағ полза, Христосты ӧліглердең Тірілдірібіскені сірерде чуртапчатхан Позының Худынаң ӧлҷең иді-ханыңарны тірілдірібӧгізер.

1 Коринфтегілерге 15:36

Сағыс чохтар! Таарылған ӱрен, ӧл парбаанда, тірілбинче.

1 Коринфтегілерге 15:45

Худай Пічиинде пазылых: пастағы кізі Адам чуртапчатхан тын полған, тӱгенҷі Адам, тізең, тірілдірчеткен хут полча.

2 Коринфтегілерге 3:6

Ол піске Наа Молҷағның нымысчылары поларға оңдай пирген. Піс холнаң пазылған чахыға нимес, че Худайның Худына нымысчы полчабыс. Холнаң пасхан чахығлар ӧлімге ағылчалар, Худай Худы, тізең, тірілдірче.

2 Коринфтегілерге 5:19

Худай кізілерні чазыхтары ӱчӱн пыролабаан. Ол Христостың пастыра тилекейні Позынаң чарастырыбысхан паза піске ол чарастаңар сӧсті тарадарға пир салған.

Ефестегілерге 2:1

Алында, сірер Худай сӧзін испееннеңер паза чазыхтарың ӱчӱн, істіңер ӧліг полған.

Ефестегілерге 2:11

Мынзын ундутпаңар! Постарын «Худай чоны» тіп аданчатхан иудейлер сірерні, тӧрееннең иудей ниместерні, «Худайы чох чон» тіп адаҷаңнар. Олар идіңерде таңма иділбееннеңер сірерні іди адааннар.

Ефестегілерге 5:14

Аннаңар тидірлер: «Тур, узупчатхан кізі, ӧлімнең тіріл кил, сині Христос чарыдыбызар».

Колоссадағыларға 2:12

Хаҷан сірер кіреске тӱскеннеріңде, Анынаң хада чығдырт салғазар. Анынаң хадох тіріл парғазар. Сірер, Аны тірілдірген Худайның кӱзіне киртініп, тіріл парғазар.

1 Тимофейге 5:6

Чуртас хынығыстарына тартылған чалғыс ипчі, тізең, изен дее чӧрзе, ӧлігдең пасха нимес.

1 Тимофейге 6:13

Прай нимее тын пирчеткен Худайның паза Понтий Пилатха чахсы киречілес пирген Христос Иисустың алнында сағаа минің чахиим:

Еврейлерге 6:1

Христостаңар ӱгредігнің пастағларын ӱзӱрбин, пик киртіністіг кізілерге килістіре чоохха кірееңер. Аннаңар, киртіністің тӧстеен хатап салбин, Худайға кирек чох киректерні тастирдаңар паза киртінеріне айланардаңар ӱгретпееңер.

Еврейлерге 9:14

андада Христостың ханы хай син артых арығлап полар. Ол Позы пір пыро чох полчадып, Худай Худының пастыра Позын тайыға Худайға пирінген. Амды Ол пісті, ӧлімге ағылчатхан киректердең арығлап, тіріг, сын Худайның нымысчылары поларға ӱгрет салар.

Иаковтың 2:17

Ідӧк киртініс тее, сынап иткен киректері чох полза, пос позы ла полза, ӧліг.

Иаковтың 2:20

Син, алығ кізі, чахсы киректері чох киртіністің тузазы чоғын хаҷан оңарып аларзың?

Иаковтың 2:26

Тыны чох ит-сӧӧк ӧліг ниме. Киректері чох киртініс тее ідӧк ӧліг.

1 Иоанның 2:12

Палаларым! Иисус Христостың ӧлгені ӱчӱн сірернің пыроңар тасталған, аннаңар сірерге пасчам.