Колоссадағыларға 1:4 - Наа Молҷағ

⁴ Піс сірернің Христос Иисусха киртінчеткеннеріңні паза прай ах-арығларға хынчатханнарыңны искебіс.

Колоссадағыларға 1:4 ပူးပေါင်းရင်းမြစ်များ

2 Коринфтегілерге 7:7

Піс Титтің сірердең килгеніне ле нимес, че сірер аның кӧңнін кӧдір пиргеннеріңнеңер чооғына ӧрін парғабыс. Тит мині кӧрерлерің тың килчеткенін, піс сірернең піліс полбаанға ачырғанчатханнарыңны паза мині арачылирға тимделеріңні чоохтап пирген. Анзына мин амды улам ӧрінчем.

Галат чиріндегілерге 3:26

Сірер прайзыңар Христос Иисусха киртіністерің хоостыра Худайның оолларызар нооза.

Галат чиріндегілерге 3:28

Амды иудей дее, грек тее чоғыллар, хул даа, пос кізі дее, ирен дее, ипчі дее чоғыллар. Сірер прайзыңар Христос Иисуснаң пір пол парғазар.

Галат чиріндегілерге 5:6

Христос Иисуснаң хада полчатсабыс, сӱннет иттіргеннің дее, иттірбееннің дее пасхазы чоғыл. Хыныс киректерінең позын кӧзітчеткен киртініс ле кирек.

Ефестегілерге 1:15

Аннаңар мин дее, Иисус Христосха киртінчеткеннеріңні паза прай ах-арығларға хынчатханнарыңны истіп,

Ефестегілерге 6:18

Аймах-пасха алданыстарнаң паза сурыныстарнаң полған на сай Худай Худы устаан оңдайынҷа пазыр турыңар. Прай ах-арығларның ӱчӱн Худайзар сурыныснаң сыбыра айланып, сиргек тудыныңар.

Колоссадағыларға 1:9

Аннаңар піс тее, мыны ис салған кӱннең сығара, сірердеңер тохтағ чох пазырчабыс. Худай Позының пӧгіннерінеңер сірерге толдыра піліс пирзін тіп, Аннаң сурынчабыс. Іди сірер хайдағ даа нимеде хыйға тудынарзар паза Худай Худынаң пирілчеткенні оңар пілерзер.

1 Фессалониктегілерге 1:3

Піс Худай Пабабыс алнында пазырып турчатсабыс, киртініс паза хыныс киреенде сірернің кӧп істенгеннеріңні паза Хан-пигібіс Иисус Христосха пик ізеністеріңні сағыста тудадырбыс.

1 Фессалониктегілерге 3:6

Сағам за, Тимофей сірердең айлан килгенде паза сірернің киртіністеріңнеңер, хыныстарыңнаңар чахсы хабарны ағыл килгенде, пісті сағысха чахсы кирчеткеннеріңні паза сірер дее пісті, піс сірерні чіли, кӧрерлерің килчеткенін читір пиргенде,

2 Фессалониктегілерге 1:3

Сірернің киртіністерің ӧсчеткеннеңер паза прайзыңарның пос аразында даа, удур-тӧдір дее улам хынызып чуртапчатханынаңар, харындастар, піс Худайны сірернің ӱчӱн сыбыра алғирға кирекпіс – анзы орта.

Филимонға 1:5

Синің Хан-пигібіс Иисусха киртінізіңнеңер паза прай ах-арығларға хынызыңнаңар истедірбін.

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

1 Иоанның 3:14

Піс ӧліг нимеспіс, тірігбіс. Анзын піс харындастарыбысха хынчатханыбыстаң пілчебіс. Харындазына хынминчатхан кізі ӧлім холында полча.

1 Иоанның 3:23

Худайның чахии мындағ: Аның Оолғына, Иисус Христосха, киртінері паза, хайди Иисус Христос піске чахаан, іди удур-тӧдір хынызары.

1 Иоанның 4:16

Піс, Худайның піске хынчатханын піл салып, ол хынысха киртін сыххабыс. Худай – хыныс. Хыныста чуртапчатхан кізі Худайда, Худай даа ол кізіде поладыр.