Колоссадағыларға 1:18 - Наа Молҷағ

¹⁸ Тигіриб Аның ит-сӧӧгі полча. Ол Позы, тізең, тигірибнің пазы. Ол – прай нименің пасталғаны. Ол ӧліглернің аразынаң тірілген тун Оолғы полча. Ол ноо даа киректе пастағызы ползын.

Колоссадағыларға 1:18 ပူးပေါင်းရင်းမြစ်များ

Матфей 23:8

Сірернің пір ле Ӱгретчі – Мессий-Христос, сірер, тізең, прайзыңар харындастарзар, аннаңар постарыңны ӱгретчее санабаңар.

Матфей 28:18

Иисус, чағын пас киліп, теен: – Тигірнең чир ӱстӱнде прай ӱлгӱ Мағаа пирілді.

Иоанн 1:1

Иң пастап Сӧс полған. Сӧс Худайнаң хада полған, Сӧс Худай полған.

Иоанн 1:16

Анда паарсас толдыра полғаннаңар, піс паарсасты ӱзігі чох алғабыс.

Иоанн 1:27

Ол минің соомҷа килерге кирек, Ол, мин тӧреелеккеӧк, пар полғаннаңар, Аның маймааның паан даа систерге турыстығ нимеспін.

Илҷілернің 26:23

Иудейлерге паза пасха чоннарға арачыланыстаңар чарыхты искірер ӱчӱн, Мессий ирееленіп ӧл парғаннарның аразында тірілгеннернің пастағызы полған.

Римдегілерге 8:29

Худай пурун піл салған кізілерге, Позының Оолғы кӧп харындастарының аразында тун палазы ползын тіп, Позының Оолғына тӧӧй поларға турғыс салған.

1 Коринфтегілерге 11:3

Ідӧк сірерні мыны пілзіннер тіп сағынчам: Ноо даа ирге пазы Христос полча, ипчізіне – ирі, Христосха, тізең, – Худай.

1 Коринфтегілерге 12:27

Сірер прайзыңар Христостың иді-ханы полчазар. Чара, тізең, Аның чӱллерізер.

1 Коринфтегілерге 15:25

Ағаа, прай ыырҷыларын Позының азаа алтына тастабысханынҷа, хан-ӱлгӱзін тударға кирек.

Ефестегілерге 1:10

Киректелчеткен тус тол парза, Худай чир ӱстӱндегі паза тигірдегі прай нимелерні Христостың ӱлгӱзінде піріктір салар.

Колоссадағыларға 1:24

Амды сірернің ӱчӱн ирееленчеткеніме ӧрінчем. Позым илеп, мин Христос кӧрген чобағның чидіспинчеткенін толдырчам. Тигіриб полчатхан Аның Иді-сӧӧгі ӱчӱн ирееленчем.

Колоссадағыларға 2:19

Олар Христоснаң палғалыс тутпинчалар. Христос, тізең, ит-ханның пазы полча. Ол ит-ханны, чӱллернең паза сиирлернең піріктіріп, тыытча. Анзы Худай ӧскіргені хоостыра ӧсче.

1 Иоанның 1:1

Чуртас пирчеткен Сӧстеңер сірерге пасчабыс. Ол чир чайалғалахтох пар полған, піс, тізең, Аны искебіс, харахтарыбыснаң кӧргебіс, кӧрглеп, холларыбыснаң теңебіс.

Азых чоох 1:18

Мин тірігбін! Мин ӧліг полғам, амды, тізең, хаҷан даа тірігбін. Аминь. Минде чир тӱбінің паза ӧлімнің клӱстері пар.

Азых чоох 1:8

Мин Альфа паза Омега, пасталғаны паза тоозылғаны полчам, – тіпче полған, полчатхан паза килер ӧӧркі Чайаачы, Прай нимедең кӱстіг Худай.

Азых чоох 11:15

Читінҷі ангел пырғы тартыбысханда, тигірде ӧтіг ӱннер истіле тӱскеннер: – Чир ӱстӱ ӧӧркі Чайаачыбыстың паза Аның Мессийінің хан-чирі пол парды. Мессий, тізең, хаҷан даа ӱлгӱ тудар!

Азых чоох 21:6

Анаң Ол мағаа теен: – Толдырыл парды! Мин Альфа паза Омега, Пасталғаны паза Тоозылғаны полчам! Сухсапчатхан кізее тіріг хара суғдаң тикке суғ пирербін.

Азых чоох 22:13

Мин Альфа паза Омега, Пастағызы паза Халғанҷызы, Пасталғаны паза Тоозылғаны полчам».

Азых чоох 3:14

«Лаодиктегі тигірибнің ангеліне пас пир: Ады Аминь полчатхан орта паза сын Киречі, Худай чайаан нимелернің Пазы піди чоохтапча: