Колоссадағыларға 1:12 - Наа Молҷағ

¹² Пісті чарыхта ах-арығларның ӱлӱзін аларға хығырған Худайны паза Пабаны алғап турыңар.

Колоссадағыларға 1:12 ပူးပေါင်းရင်းမြစ်များ

Матфей 25:34

Анаң хан Позынаң оң сариндағыларға чоохтанар: «Минің Пабам алғааннары, киліңер, чир чайалғаннаң сығара сірерге тимнелген хан-чирін алыңар.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 20:17

Теңме Мағаа, Мин Пабамзар ам даа ӧӧрлеелекпін. Минің харындастарымзар парып, чоохта: «Мин Пабамзар паза Пабаңарзар, Худайымзар паза Худайыңарзар ӧӧрлеп парирбын», – теен Иисус.

Иоанн 4:23

Че килер андағ тус, ол чит тее килді полар, хаҷан сыннаң Пабама киртінчеткен кізілер, Пабамны піліп алып, Позына чӱректерінде пазырарлар. Іди кізілер Пабама Аның кӧңні хоостыра пазырарлар.

Илҷілернің 20:32

Амды даа, харындастар, мин сірерні Худай холына пирчем. Аның паарсастығ сӧзін ундутпаңар! Ол сірерні аннаң андар ӱгрет полар, ідӧк Худай позының прай кізілеріне пирчеткен алғастардаң сірерге дее пир полар.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Римдегілерге 11:17

Олива ағастың пірее салаалары сынғлап парып, оларның орнына синің, чазы оливазының салаазы ӧскіріл парза, пір тамырлығ пол парчазар. Ол чахсы ағастаң кӱс тартынчазың.

Римдегілерге 15:27

Олар анзын пос кӧңнінең иткеннер. Итсе, идерге кирек полғаннар. Ол чон иудейлернең хада Худай Худының пайында араласханнарында, оларға постарының ис-сибінең ӱлес пирерге кирегӧктер.

Римдегілерге 8:17

Худайның палалары полчатханыбыста, Христоснаң тиңе Аннаң ӱлӱсті алҷаң кізілер полчабыс. Христостың ирееленістерін ӱлескенібісте, сабланызын даа ӱлезербіс.

Римдегілерге 9:23

Олох туста Худай ӧлҷей пирген кізілеріне Позының пай сабланызын кӧзідерге хынған. Худай оларны сабланысха тимнеп салған полған.

1 Коринфтегілерге 9:23

Мин аны Чахсы Хабарны оларға читірер ӱчӱн итчем, паза ол пирчеткен ӧріністі аларға сағынчам.

2 Коринфтегілерге 11:14

Мында пасхаҷыл ниме чоғыл: сайтан позы даа Чарыхтың ангелінің омазын алып алча.

2 Коринфтегілерге 5:5

Анзы полар ӱчӱн, Худай пісті чайап салған паза, молҷаан толдырарын киречілеп, Позының Худын піске пирген.

Ефестегілерге 1:11

Прай нимені Позының кӧңні-сағызынҷа итчеткен Худайның пӧгіні хоостыра піс, Христостағылар, Худайның палалары поларға таллалғабыс.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Ефестегілерге 2:18

Аннаңар Христостың пастыра прайзыбыс, иудейлер дее, пасха даа чоннар, пір Хуттығ полып, Пабабысха чағын кір поларбыс.

Ефестегілерге 3:6

Мына ол чазыт: Чахсы Хабарны алып, пасха чоннар даа, иудейлерӧк чіли, Худай чоны пол парғаннар, иудейлернең хада пір кізінің ит-сӧӧгі осхас пол парғаннар, Иисус Христоснаң хада полып, Худайның молҷаан алып алғаннар.

Ефестегілерге 4:6

пір Худай паза прайзының Пабазы. Ол прайзынаң пӧзік, прайзынҷа иртче паза прайзыбыста пар.

Ефестегілерге 5:11

Харасхының тузазы чох киректеріне араласпин, оларны ілезіне сығар турыңар.

Ефестегілерге 5:20

Прай ниме ӱчӱн Худай Пабаны Хан-пигібіс Иисус Христостың адынаң хаҷан даа алғыстап турыңар.

Ефестегілерге 5:4

Хырызынарға даа, тілге пызып, кізее кӱлген чіли чоохтанарға даа сірерге киліспинче. Іди идер орнына, Худайны алғыстап турыңар.

Ефестегілерге 5:8

Сірер хаҷан-да харасхы полғазар, амды, тізең, Хан-пигібіснең хадада, сірер – чарыхсар. Аннаңар чарыхтың палалары чіли чуртаңар.

Колоссадағыларға 2:2

Мин, оларның кӧңнілері кӧдірілзін, удур-тӧдір хынызып, пірге тудынзыннар тіп сағынчам нооза. Іди олар, сағыс пайына чидіп, Худай Пабаның Христос полчатхан чазыдын піліп аларлар.

Колоссадағыларға 3:15

Худайның пирчеткен амыры сірернің чӱрееңерні устазын. Ағаа сірер, пір ит-ханнығ пол парып, хығыртылғазар. Алғыстығ полыңар.

Колоссадағыларға 3:17

Ниме дее итчетсеңер, чоохтапчатсаңар, Хан-пигібіс Иисус Христостың адынаң итчедіңер. Аның пастыра Худай Пабабысты алғаңар.

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Еврейлерге 12:23

Худайның тун палаларының тигірибінзер килгезер. Оларның аттары тигірде пазыл парғаннар. Сірер прай кізілернің Чарғыҷызы полчатхан Худайзар паза толдыра чахсы, арығ чӱректіг кізілерінзер килгезер.

Еврейлерге 3:1

Ах-арығ харындастар, пісті дее Худай тигірзер хығыртхан! Худай пістің киртінізібістің иң улуғ Абызы поларға тіп ысхан Иисустаңар сағынчадыңар.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

Иаковтың 3:9

Анынаң піс Худайны паза Пабабысты алғапчабыс, анынаңох Худайны сомнап чайалған кізілерні харғапчабыс.

1 Петрның 5:1

Мин сірернің тигіриблеріңнің ах сағалларына айланчам. Мин дее ідӧк ах сағалбын, Христостың ирееленістерінің киречізібін, тӱрче поларынаң азыл парар Аның сабланызының араласчызыбын.

1 Иоанның 1:3

Піснең пір палғалыстығ поларларың ӱчӱн, сірерге позыбыстың кӧрген, искен нимелерібістеңер искірчебіс. Піснең палғалысханы, тізең, Пабанаң паза Аның Оолғы Иисус Христоснаң палғалысханы полча.

Азых чоох 21:23

Саарны Худайның сабланызы чарытчатханнаңар, ағаа кӱн дее, ай даа чарии кирек чоғыл. Аның чарытхызы, тізең, Хураған.

Азых чоох 22:14

Худайның чахығларын толдырчатхан кізілер часкалығлар. Олар чуртас ағазынаң азыранарға паза саарзар хаалхаларҷа кірерге турыстыра поларлар.

Азых чоох 22:5

Анда хараа паза полбас. Кізілерге чарытхы алай кӱн чарии пір дее кирек чох полар. Ӧӧркі Чайаачы – Худай оларны чарыдар нооза. Олар хаҷан даа ӱлгӱ тударлар.