Иуданың 1:3 - Наа Молҷағ

³ Хынғаннарым! Пістің прайзыбыстың пар арачыланызыбыстаңар пазарға иткен полғам. Че киртінізібісті хайраллир ӱчӱн, кӱрезерге кӧңнілеріңні кӧдірібізерге кирек полчатханын кӧр салдым. Пу киртіністі Худай хаҷан-да ах-арығларына пирген нооза.

Иуданың 1:3 ပူးပေါင်းရင်းမြစ်များ

Илҷілернің 17:3

Мессий, чобалып, ӧлімнең тірілерге кирек полған тіп чарыда чоохтап ала, киречілеен. – Ана ол Мессий мин чоохтапчатхан Иисус полча, – теен Павел.

Илҷілернің 18:28

Ол кізілер кӧзіне тартызығларда кӱстіг сӧзінең Худай Пічии хоостыра Мессийнің Иисус полчатханын уғаа киртіндіре кӧзідіп, иудейлердең азып алҷаң.

Илҷілернің 28:28

Амды сірер піліңер, Худай пасха даа чоннарға арачыланыс ысхан. Олар истерлер.

Илҷілернің 4:12

Кізілерге, позыбысты арачыланарыбыс ӱчӱн, пу чир ӱстӱнде Аннаң пасха пірдеезінің ады адалбаан.

Илҷілернің 6:7

Иерусалимде, Худай сӧзі чон аразында тарап, ӱгренҷілернің саны илееде хозыл парған. Абыстарның аразынаң даа кӧп кізі позын киртініске чағын иткен.

Илҷілернің 9:13

Ананий нандырған: – Хан-пигім, мин аннаңар кӧп кізідең искем, Иерусалимде Синің ах-арығ кізілеріңе нинҷе чабал иткенін.

Илҷілернің 9:22

Савлның ӱгредии, тізең, кӱстігдең кӱстіг полып одырған, Иисус Мессий полча тіп киречілеені Дамасктағы иудейлерні нандырҷаа чох иде сағысха тӱзірген.

1 Коринфтегілерге 15:3

Мин позым аны пастабох хайди алынғам, сірерні ағаа іди ӱгреткем нооза: Худай Пічии хоостыра Христос пістің чазыхтарыбыс ӱчӱн ӧл парған.

Галат чиріндегілерге 2:5

Піс, Чахсы Хабарның сынын сірерге хайраллап халарға кӱстеніп, оларның оңдайынҷа кӧмес тее полбаабыс.

Галат чиріндегілерге 3:28

Амды иудей дее, грек тее чоғыллар, хул даа, пос кізі дее, ирен дее, ипчі дее чоғыллар. Сірер прайзыңар Христос Иисуснаң пір пол парғазар.

Галат чиріндегілерге 6:11

Пу улуғ підірлерні кӧрчезер бе? Мин оларны позымның холымнаң пас салғам.

Ефестегілерге 1:1

Мин, Павел, Худайның кӧңні хоостыра Иисус Христостың илҷізі, Ефес саарда чуртапчатхан, Иисус Христосха киртінчеткен ах-арығларға чолабит ысчам.

Филипптегілерге 1:1

Піс, Павелнең Тимофей, Иисус Христостың хуллары, Филипп саардағы тигіриб устағҷыларынаң паза хабасчыларынаң хада Христос Иисусха киртінчеткен прай ах-арығларға пасчабыс.

Филипптегілерге 1:27

Итсе, Христостың Чахсы Хабарына турыстыра чуртаңар. Мин, киліп, сірерні кӧрзем, алай саңай даа килбезем, сірер пір сағыстығ, пір кӧңніліг полчатханнарыңны, Чахсы Хабардаң килчеткен киртіністің ӱчӱн хада-пірге кӱресчеткеннеріңні истерім килче.

Колоссадағыларға 1:2

Колосс саарда чуртапчатхан ах-арығларға паза Христос Иисусха киртінчеткен харындастарыбысха чолабит ысчабыс.

1 Фессалониктегілерге 2:2

Че, сірер пілчезер, пастап Филипп саарда хыйал кӧріп, сӧклеттіріп, кӧп тоғырланыстарға хайбин, Худайның піске пирген илбек махачыланызынаң Худайның Чахсы Хабарын сірерге читірерге тідінібіскебіс.

1 Тимофейге 1:18

Тимофей оолғым, пу чахиимны мин, алында синнеңер полған ухаанҷыластар хоостыра, оларға тӧстене, чӱрееңде пик киртіністіг, арығ кӧңніліг сын чааҷы чіли сині кӱрессін тіп, сағаа ысчам. Хайзылары, андағ хылыныстаң хыйызып, пос киртінізінің керіптерін саайға кир салғаннар.

1 Тимофейге 6:12

Киртініс ӱчӱн прай кӱзің салын. Мӧгі чуртасха тудын. Син ағаа хығыртылғазың паза аның ӱчӱн кӧп чонның алнында чахсы киречілеезің.

2 Тимофейге 1:13

Миннең искен пу сын ӱгредиимнең устан, Христос Иисуста пар киртініснең паза хыныснаң чурта.

Титке 1:4

Титке, пір киртіністе сын оолғыма – Худай Пабабыстаң паза Арачылағҷыбыс Хан-пиг Христос Иисустаң паарсас, айағ паза амыр хоных сағаа.

Еврейлерге 13:22

Харындастар, мин сірерге пасхан сӧстерні чӱректеріңе алыңар тіп сурынчам. Пу пічиим тың узун нимес нооза.

Еврейлерге 6:9

Хынғаннарым! Піс піди тіпчеткен дее ползабыс, сірерні андағ ниместер тіп ізенчебіс. Піс сірернің арачыланысха тудынчатханнарыңны пілчебіс.

1 Петрның 5:12

Мин мыны Силуаннаң пастыра хысхаҷахти пас салдым. Мин аны киртістіг харындазыбысха санапчам. Сірернің кӧңніңерні кӧдір пирерге паза прай пу ниме Худайның сын паарсазы полчатханын киречілирге сағынчам. Пу паарсаста сыбыра полчадыңар.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

2 Петрның 2:21

Арығ чӱректіг кізілернің чолын піліп алған соонда олар постарына пирілген ах-арығ чахығлардаң аар айланыбыссалар, андағда оларға ол чолны пілбеені артых поларҷых.

Иуданың 1:1

Иисус Христостың хулы Иаковтың харындазы Иуда пасча. Худай ах-арығ иткен, Иисус Христос хайраллапчатхан кізілерге пасчам.

Иуданың 1:17

Хынғаннарым! Хан-пигібіс Иисус Христостың илҷілері алында чоохтаан чоохтарын ундубаңар.

Иуданың 1:20

Хынғаннарым! Пістің ах-арығ киртінізібісте пик турыңар, Худай Худы чоохтаан нимедеңер пазырыңар.

Азых чоох 12:11

Олар сайтанны Хурағанның ханынаң паза постарының киречіленіс сӧзінең чиңіп алғаннар. Олар постарының тыннарын даа айабааннар, ӧлімнең дее тиспееннер.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.