Иоанн 8:52 - Наа Молҷағ

⁵² Иудейлер ағаа теенер: – Синің істіңде айна одырчатханын амды піліп алдыбыс. Авраам паза ухаанҷылар ӱреп парғаннар. Хайди син «Минің сӧзімні толдырчатхан кізі хаҷан даа ӧлбес» тіпчезің!

Иоанн 8:52 ပူးပေါင်းရင်းမြစ်များ

Матфей 11:18

Иоанн, киліп, ораза тудып, араға іспезе дее, аны «айнаа хаптырған» тіҷеңнер.

Иоанн 1:19

Иудей пастыхтары Иоаннзар Иерусалимнең абыстарны паза левиттерні «Кемзің син, Мессий-Христоссың ма?» тіп сурарға ысханнар. –

Иоанн 14:23

Мағаа хынчатхан кізі Минің сӧзімні толдырар. Пабам ағаа хынар, Пабамнаң Мин, тізең, аныңзар киліп, анда аннаң хада чуртирбыс, – нандырған Иисус. –

Иоанн 15:20

Сірерге чоохтаан сӧзімні ундутпаңар: «Нымысчы позының ээзінең улуғ полбинча». Мині ӧдірерге иткеннерінде, сірерні дее ӧдірерге идерлер. Минің сӧзімні толдырғанда, сірернің сӧзіңерні дее толдырарлар.

Иоанн 17:6

Чир-чалбахтаң таллап, Мағаа пирген кізілеріңе Синнеңер чоохтаам. Олар Сини полғаннар, Мағаа пирілгеннер паза Синің сӧзіңні толдырғаннар.

Иоанн 7:20

Істіңе айна кір парды ба? Кем сині ӧдірерге итче? – нандырғаннар иудейлер. –

Иоанн 8:22

Аны истіп, иудейлер чоохтасханнар: – Ол позы позына хол салыныбызарға итче бе таң? Ноға ол «Мин парчатхан чирзер чит полбассар» тіпче.

Иоанн 8:48

Иудейлер Иисусха чоохтанғаннар: – Пістің сағаа «Син тӱӱлістіг самар кізізің паза синің істіңде айна одырча» тіпчеткенібіс орта нимес пе? –

Иоанн 8:51

Сынны сірерге чоохтапчам, сӧзімні толдырчатхан кізі хаҷан даа ӧлбес.

Иоанн 8:55

Сірер Аны пілбинчезер, Мин, тізең, пілчем. Мин Аны пілбинчем теен ползам, сірерӧк осхас чой поларҷыхпын. Че Мин Аны пілчем паза Аның сӧзін толдырчам.

Иоанн 9:24

Андада харах чох полған кізіні ікінҷі хати хығырып, тееннер: – Сынны чоохтирға сӧс пир! Иисустың чазыхтығ полчатханын пілчебіс. –

Еврейлерге 11:13

Піс чоохтапчатхан пу кізілер, Худайға киртініп ала, ӧл парғаннар. Олар Худай молҷаан нимені сахтап полбааннар. Молҷаан нимелерні ырахтын на кӧріп, ӧрінгеннер. Олар постарын пу чирге килген пасха чонмыс тіп санааннар.

Еврейлерге 2:9

Че піс Иисусты кӧрчебіс. Худай, кізілерге паарсап, Иисусты оларның прайзының ӱчӱн ӧлерге ысхан. Аннаңар Аны ангеллердең тӧбін ӱр нимеске ле турғысхан. Иисус ирееленісте ӱрееннеңер, тізең, Худай Аны сабланысха паза аарласха чазап салған.