Иоанн 8:39 - Наа Молҷағ

³⁹ Пістің пабабыс Авраам, – нандырғаннар иудейлер. – Сыннаң Авраамның палалары полған ползаңар, Авраам чіли хылынарҷыхсар, – теен Иисус. –

Иоанн 8:39 ပူးပေါင်းရင်းမြစ်များ

Матфей 3:9

Постарыңнаңар, «Пістің пабабыс Авраам» тіп, сағынмаңар даа. Тіпчем сірерге, Худай Авраамға пу тастардаң даа палалар чайап полар.

Матфей 5:45

Андада ла сірер Тигірдегі Пабаның ооллары пол парарзар. Ол Позының кӱніне, хомай даа, чахсы даа кізілерге чарыт тур тіп, чахығ пирче, арығ чӱректіг дее, чазыхтығ даа кізілерге наңмыр ыс пирче нимес пе зе?

Иоанн 8:33

Піс Авраамның тӧлібіс. Піс хаҷан даа пірдеезіне хул полбаабыс. Син ноға «Сірер пос чуртастығ кізілер поларзар» тіпчезің? – тееннер иудейлер. –

Иоанн 8:37

Сірернің Авраам тӧлі полчатханнарыңны пілчем, че сірер, Минің сӧзімні толдырарға хынмин, Мині ӧдір саларға харасчазар.

Иоанн 8:43

Мин чоохтапчатхан нимені ноға піл полбинчазар? Сірер, Мин чоохтаан нимені истерге сыдап полбинчатханнаңар, піл полбинчазар.

Иоанн 8:56

Авраам пабаңар Минің чир-чалбахха килер кӱнімні кӧріп аларына тың ӧрінген. Аны кӧріп алып, часкалығ полған. –

Римдегілерге 4:12

Ол ідӧк сӱннет иттірткеннернің пабазы полча. Олар, сӱннет иттірткеннең пасха, Авраам пабабыстың киртініс чолынҷа парчалар. Авраамның ол киртінізі сӱннет иттірткелегіндӧк полған.

Римдегілерге 4:16

Аннаңар прай ниме киртіністең полча паза паарсасха тӧстенче. Аннаңар пу молҷағ Авраамның прай тӧліне, чахығ хоостыра чуртапчатханнарға ла нимес, че Авраам чіли киртінчеткен прай кізілерге пик ізеніс пирче. Авраам пістің прайзыбыстың пабазы полча.

Римдегілерге 9:7

Ідӧк Авраамнаң тӧрееннері дее прайзы аның тӧлі нимезӧк. Че піди чоохталча: Исаактаң тӧреені синің тӧлің адалар.

Галат чиріндегілерге 3:29

Христости полчатсаңар, тізең, сірер Авраамның ӱрені полчазар. Іди Худай молҷаа хоостыра ӱлеен ӱлӱсті ээленчезер.

Галат чиріндегілерге 3:7

Киртіністіг кізілер сынында Авраамның ооллары полчатханнарын піліңер зе.