Иоанн 8:37 - Наа Молҷағ

³⁷ Сірернің Авраам тӧлі полчатханнарыңны пілчем, че сірер, Минің сӧзімні толдырарға хынмин, Мині ӧдір саларға харасчазар.

Иоанн 8:37 ပူးပေါင်းရင်းမြစ်များ

Матфей 13:15

Ол кізілернің чӱректері хат парғаннар, хулахтарынаң чадап искеннер, харахтары чабыл парғаннар. Андағ полбаан полза, харахтарынаң кӧрерҷіктер, хулахтарынаң истерҷіктер, чӱректерінең оңнирҷыхтар. Андада Минзер, постарын имнебіссін тіп, айланарҷыхтар».

Матфей 3:9

Постарыңнаңар, «Пістің пабабыс Авраам» тіп, сағынмаңар даа. Тіпчем сірерге, Худай Авраамға пу тастардаң даа палалар чайап полар.

Иоанн 10:31

Аны истіп, иудейлер, Иисусты чоо чаалирға тіп, пазох тастар хапханнар. –

Иоанн 11:53

Ол кӱннең сығара иудейлернің пастыхтары Иисусты ӧдір саларға сағын сыхханнар.

Иоанн 5:44

Хайди сірер Мағаа киртінерзер?! Чалғыс Худайдаң пирілген сабланысты аларға кӱстенмин, постарыңның аразында ла пірсі пірсінең сабланысты алчатсар, хайди сірер Мағаа киртінерзер?!

Иоанн 7:1

Соонаң Иисус Галилей чирінҷе чӧрген. Иудей чирінҷе, тізең, иудейлер Аны ӧдір саларға иткеннерінеңер, чӧрерге хынмаан.

Иоанн 7:19

Сірерге Моисей Чахиин Моисей пирген нимес пе зе? Іди дее полза, сірернің пірдееңер ол чахығны толдырбинча. Ноо нименің ӱчӱн сірер Мині ӧдірерге итчезер? –

Иоанн 7:25

Иерусалимдегілернің хай піреелері чоохтанғаннар: – Пу кізіні ӧдірерге тілепчелер нимес пе?

Иоанн 8:33

Піс Авраамның тӧлібіс. Піс хаҷан даа пірдеезіне хул полбаабыс. Син ноға «Сірер пос чуртастығ кізілер поларзар» тіпчезің? – тееннер иудейлер. –

Иоанн 8:43

Мин чоохтапчатхан нимені ноға піл полбинчазар? Сірер, Мин чоохтаан нимені истерге сыдап полбинчатханнаңар, піл полбинчазар.

Иоанн 8:56

Авраам пабаңар Минің чир-чалбахха килер кӱнімні кӧріп аларына тың ӧрінген. Аны кӧріп алып, часкалығ полған. –

Иоанн 8:59

Андада иудейлер, Иисусты чоо чаалап саларға тіп, тастар хапханнар. Че Ол, чазыныбызып, храмнаң сыға халған. Кізілер аразынҷа иртіп, аннаң андар парыбысхан.

Иоанн 8:6

Олар, Иисусты сыныхтап, Аны пыролаҷаң пірее ниме табар ӱчӱн іди чоохтанғаннар. Че Иисус, мӧкейіп алып, оларға хайығ салбин, хол салаазынаң чирде ниме-де пазып одырған.

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Римдегілерге 9:7

Ідӧк Авраамнаң тӧрееннері дее прайзы аның тӧлі нимезӧк. Че піди чоохталча: Исаактаң тӧреені синің тӧлің адалар.

1 Коринфтегілерге 2:14

Тыннығ-сағыстығ кізі Худай Худынаң пирілчеткенні посха алынарға хынминча. Ол анзын алаахханға санапча. Аны Хут пастыра ла оңарарға чарирдаңар, оңар таа полбинча.

1 Иоанның 2:14

Пабалар! Кемнің иң пастабох пар полғанын піліп алғаннарың ӱчӱн, сірерге пас пирдім. Чииттер! Кӱстіг полчатханнарың ӱчӱн, Худай сӧзін толдырчатханнарың ӱчӱн, сайтанны чиңіп алғаннарың ӱчӱн, сірерге пас пирдім.