Иоанн 8:20 - Наа Молҷағ

²⁰ Пу сӧстерні Иисус аарлығ сыйыхтар салҷаң орынның хыринда, храмда ӱгретчеткен туста, чоохтаан. Аның тузы читкелек полғаннаңар, пірдеезі Аны тутпаан.

Иоанн 8:20 ပူးပေါင်းရင်းမြစ်များ

Матфей 26:55

Анаң Иисус чонға чоохтанған: – Сірер, хылыстар паза ӧзектер алып алып, Мині, сайбағҷыны чіли, тудып аларға килдіңер бе? Мин, кӱннің сай храмда сірерні ӱгредіп одырҷаң полғам, сірер, тізең, Мині хаппаҷаңзар.

Матфей 27:6

Улуғ абыстар, ол ахчаны чыып алып, чоохтасханнар: – Пу ахчаларда хан пар, Моисей Чахии хоостыра андағ ахчаларны храмдағы аарлығ нимелер салҷаң орында тударға чарабас.

Марк 12:41

Иисус, храмдағы сыйых салҷаң ідіс хыринда одырып, кізілернің андар ахча салчатханын кӧрген. Пай кізілер ахча кӧп тастааннар.

Марк 12:43

Иисус, Позының ӱгренҷілерін хығырып алып, теен: – Сынны чоохтапчам сірерге, пу ӧкіс ипчі ідіссер прайзынаң кӧп ахча салды.

Лука 20:19

Олох туста, Моисей Чахии пілігҷілері паза улуғ абыстар пу кип-чоохтың постарына чарыдылғанын сизініп, Иисусты хаап аларға иткеннер, че чоннаң хорыхханнар.

Лука 21:1

Иисус, ибіре кӧріп, пай кізілернің постарының сыйыхтарын сыйых салҷаң ідіссер салчатханнарын кӧр салған.

Иоанн 10:39

Иудейлер Аны пазох хаап аларға харасханнар, че Иисус олардаң парыбысхан.

Иоанн 2:4

Пістің анда ноо киреебіс. Хайхастар идер тузым ам даа читкелек, – нандырча Иисус. –

Иоанн 7:14

Пайрам кӱннерінің ортызында Иисус, храмзар кір киліп, ӱгреткен. –

Иоанн 7:30

Мыны истіп, Иисусты хаап аларға иткеннер. Че Аның тузы ам даа читкелек полғаннаңар, пірдеезі Ағаа теңмеен.

Иоанн 7:44

Оларның хай піреелері Аны тудып аларға сағынған ползалар даа, пірдеезі Ағаа теңмеен.

Иоанн 7:8

Сірер пу пайрамға парыңар, че Минің тузым ам даа читкелектеңер, Мин андар сағам парбаспын.

Иоанн 8:2

иртен, тізең, пазох храмзар айлан килген. Прай чон Аныңзар чыылысхан, Иисус, тізең, одырып, оларны ӱгрет сыххан.

Иоанн 8:59

Андада иудейлер, Иисусты чоо чаалап саларға тіп, тастар хапханнар. Че Ол, чазыныбызып, храмнаң сыға халған. Кізілер аразынҷа иртіп, аннаң андар парыбысхан.