18 Позым Позымнаңар киречілепчем, Мині ысхан Пабам даа Миннеңер киречілепче. –
Мин чахсы хадарҷыбын. Чахсы хадарҷы хойларының ӱчӱн позының чуртазын пир салча.
Мин чахсы хадарҷыбын, позымның хойларымны пілчем, олар, тізең, Мині пілчелер.
Пабамнаң Мин – пірбіс.
Мин ізік полчам. Миніңҷе кірчеткені арачылан халар. Ол, кіріп, сығар паза пӱк табар.
Мин ӱрееннерні тірілдірчем паза чуртас Ээзі полчам. Мағаа киртінчеткен кізі, ӱреп тее парза, чуртир.
Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.
Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.
Кемзің син? – сурғаннар андада Иисустаң. – Иң пастабох сірерге, позымны адап, чоохтаан полғам, – нандырған Иисус. –
Мин сірерге Пабамда кӧрген нимелерні чоохтапчам, че сірер, тізең, сірернің пабаңарда кӧрген нимелерні итчезер. –
Сынны сірерге чоохтапчам, сӧзімні толдырчатхан кізі хаҷан даа ӧлбес.
Сынны сірерге чоохтапчам, Авраам тӧреелектӧк, «Мин Минмін» полғам, – нандырған Иисус.
Ағаа хоза Худай, хайхастарны, танығларны паза аймах-пасха таңнастығ киректерні киречілес идіп, Худай Худының сыйыхтарын Позының кӧңнінҷе ӱлестірген.