Иоанн 7:14 - Наа Молҷағ

¹⁴ Пайрам кӱннерінің ортызында Иисус, храмзар кір киліп, ӱгреткен. –

Иоанн 7:14 ပူးပေါင်းရင်းမြစ်များ

Матфей 21:12

Иисус, Худай храмынзар кір киліп, андартын садығҷыларны паза садысчатханнарны прайзын сығара сӱрглебіскен. Ахча орнастырчатханнарның столларын паза иб тахырахтарын сатчатханнарның сіреелерін тӱңдере аңдарғлабызып,

Матфей 26:55

Анаң Иисус чонға чоохтанған: – Сірер, хылыстар паза ӧзектер алып алып, Мині, сайбағҷыны чіли, тудып аларға килдіңер бе? Мин, кӱннің сай храмда сірерні ӱгредіп одырҷаң полғам, сірер, тізең, Мині хаппаҷаңзар.

Лука 19:47

Анаң Ол храм чирінде кӱннің сай кізілерні ӱгреткен. Улуғ абыстар, Моисей Чахии пілігҷілері паза ах сағаллар Иисусты ӧдірер сылтағ тілееннер.

Иоанн 18:20

Иисус ағаа піди нандырған: – Мин кізілерге прай нимені чазырбин чоохтаам. Прай иудейлер чӧрҷең синагогаларда паза Иерусалим храмында сыбыра ӱгреткем. Пір дее нимее харанға ӱгретпеем.

Иоанн 5:14

Соонаң Иисус ағаа храмда тоғас парған. – Амды син чазыл пардың. Мыннаң мындар улам хомай пол парбас ӱчӱн, паза чазых итпе, – чоохтанған ағаа.

Иоанн 7:2

Иудейлернің отахтар турғысчаң пайрамы чағдапчатхан.

Иоанн 7:28

Андада Иисус, храмда ӱгредіп, тыыда чоохтанған: – Сірер Мині пілчезер нимес пе? Минің хайдаң килгенімні дее пілчезер нимес пе? Мин Позым оңдайынҷа килбеем. Кем Мині ысхан – Ол Сынға ӱгретче, Аны сірер пілбинчезер.

Иоанн 7:37

Пайрамның халғанҷы паза иң илбек кӱнінде Иисус, тура хонып, тыыда чоохтанған: – Сухсапчатхан кізі, Минзер киліп, іссін.

Иоанн 8:2

иртен, тізең, пазох храмзар айлан килген. Прай чон Аныңзар чыылысхан, Иисус, тізең, одырып, оларны ӱгрет сыххан.

Иоанн 8:20

Пу сӧстерні Иисус аарлығ сыйыхтар салҷаң орынның хыринда, храмда ӱгретчеткен туста, чоохтаан. Аның тузы читкелек полғаннаңар, пірдеезі Аны тутпаан.