Иоанн 7:1 - Наа Молҷағ

¹ Соонаң Иисус Галилей чирінҷе чӧрген. Иудей чирінҷе, тізең, иудейлер Аны ӧдір саларға иткеннерінеңер, чӧрерге хынмаан.

Иоанн 7:1 ပူးပေါင်းရင်းမြစ်များ

Матфей 10:23

Пір саарда сірерні сӱрчетселер, пасха саарзар тизіңер. Сынны чоохтапчам сірерге, Израиль саарларын тооза ирткелеккеӧк, Кізі Оолғы чиде тӱзер. –

Матфей 21:38

Виноград ӧскірҷеңнер, аның оолғын кӧр салып, постары алынҷа чоохтасханнар: «Пу пабазының пайын холға кирҷең чалғыс оолғы, парааңар, аны ӧдірібізееңер, халған анығ пісти полар».

Марк 11:18

Иисусты истіп, Моисей Чахии пілігҷілері паза улуғ абыстар Аны ӧдірер оңдай тілеп сыхханнар. Че прай чон Аның ӱгредиине таңнапчатханнаңар, Иисустаң китенгеннер.

Иоанн 1:19

Иудей пастыхтары Иоаннзар Иерусалимнең абыстарны паза левиттерні «Кемзің син, Мессий-Христоссың ма?» тіп сурарға ысханнар. –

Иоанн 4:3

Иисус, фарисейлердеңер піл салып, Иудей чирін тасти, хатап Галилей чирінзер пар сыххан.

Иоанн 4:54

Іди Иисус, Иудей чирінең Галилей чирінзер айлан киліп, ікінҷі хайхазын иткен.

Иоанн 6:1

Аның соонаң Иисус, Галилей кӧлін кизіп, Тивериад саарның чирлерінзер парған.

Иоанн 7:11

Пайрамда иудей пастыхтары «Хайда ол?» тіп, Иисусты тілееннер.

Иоанн 7:13

Че иудей пастыхтарынаң хорығып, пірдеезі Иисустаңар истілдіре чоохтанмаан.

Иоанн 7:19

Сірерге Моисей Чахиин Моисей пирген нимес пе зе? Іди дее полза, сірернің пірдееңер ол чахығны толдырбинча. Ноо нименің ӱчӱн сірер Мині ӧдірерге итчезер? –

Иоанн 7:25

Иерусалимдегілернің хай піреелері чоохтанғаннар: – Пу кізіні ӧдірерге тілепчелер нимес пе?

Иоанн 7:35

Андада иудейлернің пастыхтары пос аразында чоохтасханнар: – Хайдағ андағ піс таап полбас чирзер парарға итче полҷаң? Грек чирінде чуртапчатхан иудейлерзер парып, гректерні ӱгредерге итче бе таң?

Иоанн 8:37

Сірернің Авраам тӧлі полчатханнарыңны пілчем, че сірер, Минің сӧзімні толдырарға хынмин, Мині ӧдір саларға харасчазар.

Иоанн 8:40

Че амды сірер Мині, Худайдаң искен сынны чоохтап пирген Кізіні, ӧдір саларға итчезер. Авраам іди итчең ме? Чох итпеҷең.

Илҷілернің 10:38

Хайди Худай Позының Худын паза кӱзін Назареттегі Иисусха пиргенін, пілчезер. Иисус, тізең, Худай Анынаң хада полғаннаңар, кізілер аразынҷа чӧріп, чахсы нимелер иткен паза сайтанға хаптырғаннарның прайзын имнебіс турған.