Иоанн 6:68 - Наа Молҷағ

⁶⁸ Симон-Пётр Ағаа нандырған: – Хан-пигібіс! Піс кемзер парарбыс? Синде мӧгі чуртас пирчеткен сӧстер пар.

Иоанн 6:68 ပူးပေါင်းရင်းမြစ်များ

Матфей 16:16

Син – Мессий-Христоссың, Тіріг Худайның Оолғызың, – нандырған Симон-Пётр.

Марк 8:29

Сірер чи Мині кем полар тіп санапчазар, – сурған Иисус. – Син Мессий-Христоссың, – нандырған Ағаа Пётр.

Лука 9:20

Сірер чи Мині кемге санапчазар? – сурған ӱгренҷілерінең Иисус. – Худайның Мессий-Христозы полчазың, – нандырған Пётр.

Иоанн 12:49

Мин Позым сағын таап алып чоохтанмаам, Мині ысхан Пабам ниме тирін паза ниме чоохтанарын чахаан.

Иоанн 12:50

Пабамның чахии мӧгі чуртас полчатханын пілчем. Пабам Мағаа чоохтаан нимені искірчем.

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Иоанн 6:40

Мині Ысханның кӧңні мындағ: Худайның Оолғын кӧрчеткен паза Ағаа киртінчеткен полған на кізі мӧгі чуртастығ ползын. Мин дее аны тӱгенҷі кӱнде тірілдір саларбын, – нандырған Иисус.

Иоанн 6:63

Худай Худы ла чуртасты пирче, мында кізінің кӱзі чоғыл. Минің чоохтапчатхан сӧзім чуртас пирчеткен Худайның Худы полча.

Илҷілернің 13:26

Харындастар, Авраамның тӧлі паза Худайны улуғлапчатханнар! Сірерге ызылды пу арачыланыс сӧзі.

Илҷілернің 4:12

Кізілерге, позыбысты арачыланарыбыс ӱчӱн, пу чир ӱстӱнде Аннаң пасха пірдеезінің ады адалбаан.

Илҷілернің 5:20

Парып, храмда турып, кізілерге наа чуртастың прай сӧстерін чоохтаңар.

Илҷілернің 7:38

Ана ол Моисей, кемнең Синай тағда ангел чоохтасхан паза хуу чазыда чыылған пістің ӧбекелерібіснең хада полған, Худайның чуртас пирчеткен сӧстерін алған, анаң піске оларны читірген.

Илҷілернің 8:37

Прай чӱрееңернең киртінчетсеңер, кіреске тӱзерге чарир, – нандырған ағаа Филипп. – Иисус Христостың Худай Оолғы полчатханына киртінчем, – нандырған ағаа анзы.