Иоанн 6:15 - Наа Молҷағ

¹⁵ Иисус кізілернің Позын, тудып алып, кӱснең иудейлернің ханы идерге итчеткеннерін піл салып, хатап тағларзар чалғызан парыбысхан.

Иоанн 6:15 ပူးပေါင်းရင်းမြစ်များ

Матфей 5:1

Иисус, чонның кӧп чыыл парғанын кӧріп, тағзар сыххан. Анда Ол одыр салғанда, ӱгренҷілері Аныңзар пас килгеннер.

Марк 11:9

Алны-соонҷа парғаннары хысхырысханнар: – Осанна! Хан Худайның адынаң Килчеткенге алғас ползын! –

Лука 19:38

Хан Худайның адынаң Килчеткенге алғас ползын! Тигірде амыр хоных паза Худайға сабланыс ползын!

Иоанн 18:36

Минің хан-чирім пу чир ӱстӱнде нимес. Хан-чирім пу чир ӱстӱнде полған полза, нымысчыларым, Мині иудейлерге пирбес ӱчӱн, алныма турарҷыхтар. Че хан-чирім – чир ӱстӱнде нимес, – нандырған Иисус. –

Иоанн 5:41

Мағаа кізілернің махтааны кирек чоғыл.

Иоанн 6:22

Пазағы кӱн кӧлнің тігі саринда халған чон ӱгренҷілернің, чалғыс ла кимее одырып, Иисус чох чӱс парыбысханнарын піл салған. Иисустың ӱгренҷілерінең хада кимее одырбаанын паза анда ол кимедең пасха киме халбаанын піліп алғаннар.

Иоанн 6:3

Иисус, тағзар сығып, анда ӱгренҷілерінең хада одыр салған.

Еврейлерге 4:13

Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.