Иоанн 5:39 - Наа Молҷағ

³⁹ Сірер Худай Пічиинде мӧгі чуртас таап аларға ізенчезер, аннаңар оларны ӱгренчезер. Оларда даа Миннеңер пазылча.

Иоанн 5:39 ပူးပေါင်းရင်းမြစ်များ

Матфей 22:29

Иисус оларға нандырған: – Сірер, Худай кӱзін паза Худай Пічиин пілбин, алҷаас итчезер.

Марк 10:3

Иисус оларға теен: – Моисей сірерге ниме чахаан? –

Марк 12:10

Нӧӧс сірер Худай Пічиинде «Пӱдірігҷілернің хыйа тастаан тазы соонаң, тура пулиин тутчаң иң кирек тас пол парған» теенін хығырбаазар?

Лука 16:29

«Оларның Моисей Чахии паза ухаанҷылар пар, иссіннер оларны», – теен ағаа Авраам.

Лука 16:31

Андада Авраам ағаа теен: «Олар, Моисейнең ухаанҷыларны испинчетселер, піреезі тіріл килзе дее, киртінместер».

Лука 24:25

Андада Иисус оларға теен: – О, сағыс читпестер, ухаанҷылар чоохтаан прай нимее киртін пілбес чӱректіглер!

Лука 24:27

Анаң Ол, прай Худай Пічиинде, Моисей Чахиинаң пастади прай ухаанҷыларнинда Позынаңар ниме чоохталғанын пуларға изерістіре прай чарыт пирген.

Лука 24:44

Анаң оларға теен: – Сірернең хада полғанда, чоохтаан сӧстерім мынзын таныхтапча: Моисей Чахиинда, ухаанҷыларның пічіктерінде паза Ырларда Миннеңер пазылған прай нимелер тол парарға киректер.

Иоанн 1:45

Филипп, Нафанаилге тоғазып, чоохтанған: – Піс Моисей Чахиинда паза ухаанҷыларның пічиинде пазылған Кізіні таап алғабыс. Ол Назареттегі Иосифтің оолғы Иисус. –

Иоанн 5:32

Миннеңер чоохтапчатхан пасха киречі пар, аның Миннеңер чоохтааны сын полчатханын пілчем.

Иоанн 5:36

Минде, тізең, Иоанның киречілеенінең дее улуғ киречілес пар: Пабам Мағаа итчең нимелер пирген, оларны толдырчатханым Пабамның Мині ысханын таныхтапча паза киречілепче.

Иоанн 5:40

Че мӧгі чуртасты алып аларға Минзер килерге хынминчазар.

Иоанн 5:46

Сірер, Моисейге киртінген ползар, Моисей позының Чахиинда Миннеңер пасханнаңар, Мағаа даа киртінерҷіксер.

Иоанн 7:52

Син дее Галилей чирінеңзің ме? Худай Пічиин хығырып ал, андада пілерзің: Галилей чирінең пір дее ухаанҷы килбес, – нандырғаннар фарисейлер.

Илҷілернің 13:27

Иерусалимнің чуртағҷылары паза оларның пастыхтары Аның Арачылағҷы полчатханын даа, суббота сай хығырылчатхан ухаанҷыларның сӧстерін дее піл полбааннар. Іди олар, Иисусты чарғылап, ухаанҷыларның сӧстерін толдыр салғаннар.

Илҷілернің 17:11

Мындағылар фессалониктегілернің хыринда арығ сағыстығ полғаннар: олар, кӱннің сай Худай Пічиин хығырып, андағ ба, андағ нимес пе тіп сыныхтап ала, Чахсы Хабарны хынып алғаннар.

Илҷілернің 26:27

Агрипп хан, ухаанҷыларға киртінчезің ме? Пілчем, киртінчезің. –

Римдегілерге 1:2

Ол Чахсы Хабарны Худай ухаанҷылары пастыра Ызых Пічіктерінде молҷаан.

Римдегілерге 3:2

Прай даа саринаң кӧр килзе, кӧп нимезі артых. Иң пурнада – иудейлерге Худайның сӧзі пиріл парғаны.

Колоссадағыларға 3:16

Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

Еврейлерге 11:16

Че олар артых, тигірдегі, чирні тілееннер. Аннаңар Худайға, олар Аны постарының Худайы тіп адапчатсалар, уйадыстығ нимес. Худай оларға саар тимнеп пирген нооза.

Еврейлерге 11:35

Ипчілер Худайға киртін парып, ӧл парған туған-чағыннарын тіріг айландырып алҷаңнар. Пасхалары, постарын харибдең позыдарынаң тоғыр саап, ирееледіп, тоозылғаннар. Олар, артых чуртасха тірілдірерлеріне ізеніп, іди иткеннер.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.