Иоанн 5:35 - Наа Молҷағ

³⁵ Иоанн, кӧйіп, чарыпчатхан сівечі осхас полған, сірер аның чариин ӧрчіліг удурлаазар, че ол ӱр нимеске полған.

Иоанн 5:35 ပူးပေါင်းရင်းမြစ်များ

Матфей 11:11

Сынны сірерге чоохтапчам, чир ӱстӱне тӧрееннернің аразында Кіреске тӱзірҷең Иоаннаң улуғ кізі чох полған, че Тигір хан-чирінің иң кічии дее аннаң улуғ.

Матфей 21:26

Че «Кізілердең» тізебіс, чоннаң хорғыстығ. Олар Иоанны ухаанҷы тіп улуғлапчалар нооза.

Марк 1:5

Прай Иудей чирінің паза Иерусалимнің чуртағҷылары иоаннзар килгеннер, чазыхтары ӱчӱн пыросынғаннар, Иоанн оларны Иордан суғда кіреске тӱзірген.

Марк 6:20

Ирод, Иоанның арығ чӱректіг, Худайның ах-арығ кізізі полчатханын піліп, аннаң хорыххан паза хайраллаҷаң аны. Ол Иоанның сӧзінҷе кӧп ниме итчең паза аның чоохтарын хынып исчең.

Лука 7:28

Тіпчем сірерге, пу чир ӱстӱнде тӧреен кізілердең Кіреске тӱзірҷең Иоаннаң улуғ ухаанҷы чоғыл. Че Худай хан-чирінің иң кічии дее аннаң улуғ.

Иоанн 6:66

Ол тустаң сығара ӱгренҷілернің аразында кӧп кізі, Иисустаң хыйа полыбызып, Аннаң хада паза чӧрбеен.

2 Петрның 1:19

Пісте ідӧк ухаанҷыларның сын киречілезі пар. Сірер, ол сӧсті хығырып, чӱрекке алчатсаңар, чахсы итчезер. Кӱн чарии сустал киліп, чӱректеріңде иртенгі чылтыс ӧӧрлебіспеенҷе, ол сӧс сірерге харасхыдағы чарытхы осхас полар.