Иоанн 5:23 - Наа Молҷағ

²³ Пу оңдайнаң прайзы, Пабазын хайди улуғлапчалар, сах іди Оолғын улуғлазыннар. Оолғын улуғлабинчатхан кізі Аны ысхан Пабазын даа улуғлабинча.

Иоанн 5:23 ပူးပေါင်းရင်းမြစ်များ

Матфей 10:37

Кем пабазына алай іҷезіне Миннең артых хынча, ол кізі Мағаа турыстығ нимес. Кем оолғына алай хызына Миннең артых хынча, ол Мағаа турыстығ нимес.

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.

Матфей 12:21

Ағаа прай чоннар ізенерлер».

Матфей 15:8

«Пу кізілер Мині тілде ле улуғлапчалар. Чӱректері, тізең, оларның Миннең ырах.

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Лука 10:16

Анаң Иисус хосхан; – Сірерні исчеткеннер, Мині дее исчелер, сірерні хыйа итчеткеннер, Мині дее хыйа итчелер. Мині хыйа итчеткеннер, тізең, Мині ысхан Худайны даа хыйа итчелер.

Иоанн 14:1

Иисус чооғын аннаң андар узаратхан: – Сірер сағыссырабаңар. Худайға киртініңер, Мағаа даа киртініңер.

Иоанн 16:14

Ол, Минің сӧзімні алып, сірерге читірер. Іди идіп, Мині сабландыр салар.

Иоанн 17:10

Минің прай нимем Сини, Синің прай нимең Мини. Олар мині сабландырғаннар.

Римдегілерге 1:7

Сірерге прайларыңа Худайның Римде чуртапчатхан хынған кізілеріне, ах-арығ поларға хығыртылған чонына пасчам. Худай Пабабыстаң паза Хан-пигібіс Иисус Христостаң паарсас паза амыр хоных сірерге ползын.

Римдегілерге 15:12

Ағаа хоза Исаий тіпче: чоннарнаң устир ӱчӱн Иессейнің тамыры, ӧтіп, кӧдіріл килер. Ағаа Худайы чох кізілер ізенерлер.

Римдегілерге 6:22

Амды, тізең, сірер, чазыхха хул поларынаң позып алып, Худайның хуллары пол парғазар. Сірер ах-арығ кізілер пол парғаннаң парыстанып алғазар. Аның салтары мӧгі чуртас полча.

Римдегілерге 8:9

Худай Худы сыннаң сірерде чуртапчатса, сірер, ит-ханның оңдайынҷа нимес, Худай Худының хоостыра чуртапчазар. Кемде Христостың Худы чоғыл, тізең, ол Христости нимес.

1 Коринфтегілерге 1:3

Худай Пабабыстаң паза Хан-пигібіс Иисус Христостаң паарсас паза амыр хоных сірерге ползын.

1 Коринфтегілерге 10:31

Мин піди чоохтирбын: чіпчетсер бе, ісчетсер бе алай пасха даа ниме итчетсер, Худайның сабланызына идіңер аны.

1 Коринфтегілерге 16:22

Кем Хан-пигібіс Иисус Христосха хынминча – ағаа харғас. Кил, Хан-пигібіс!

1 Коринфтегілерге 6:19

Алай иді-ханыңар пісте чуртапчатхан сірерге Худайдаң пирілген Худай Худының храмы полчатханын пілбинчезер бе? Аннаңар сірер постарыңни нимессер нооза.

2 Коринфтегілерге 1:9

Посха нимес, че ӧлімнең тірілдірчеткен Худайға ла ізенер ӱчӱн, піс позыбысты ӧлімге чарғылат салған кізілер тіп сағынғабыс.

2 Коринфтегілерге 5:14

Христостың хынызына хаптырт салған кізі піди сағынча: Христос прайзының ӱчӱн ӧл парғаннаңар, прайзы Аннаң хада ӧл парған.

2 Коринфтегілерге 5:19

Худай кізілерні чазыхтары ӱчӱн пыролабаан. Ол Христостың пастыра тилекейні Позынаң чарастырыбысхан паза піске ол чарастаңар сӧсті тарадарға пир салған.

Ефестегілерге 6:24

Сірерде прайзыңарда, Хан-пигібіс Иисус Христосха тоозылбас хыныснаң хынчатханнарда, Худайның паарсазы ползын. Аминь.

2 Тимофейге 1:12

Аның сылтаанда мин пу иреені кӧрчем, че анзынаң уйатпинчам. Пілче ноомза, Кемге киртінчеткенімні паза тӱгенҷі кӱнге теере мағаа пиргенні Аның хайраллир кӱзі парын.

Еврейлерге 1:6

Хаҷан Худай Позының тун Оолғын ах-чарыхсар ысханда, теен: «Прай Худай ангеллері Ағаа пазырзыннар».

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

2 Петрның 3:18

Хан-пигібіс паза Арачылағҷыбыс полчатхан Иисус Христостың паарсазы паза Аны пілері сірерге хозылзын. Ағаа сағам даа паза хаҷан даа сабланыс ползын. Аминь.

1 Иоанның 2:23

Худайның Оолғына киртінминчеткен кізі Пабазына даа киртінминче. Худайның Оолғына киртінчеткен кізі, тізең, Пабазына даа киртінче.

2 Иоанның 1:9

Христостың ӱгредиин толдырбин, аны пос оңдайынҷа алыстырчатхан кізі Худайға киртінминче. Христостың ӱгредиин толдырчатхан кізіде, тізең, Паба даа, Оолғы даа пар.