Иоанн 5:17 - Наа Молҷағ

¹⁷ Иисус, тізең, оларға теен: – Пабам тынағ чох тоғынча. Мин дее ідӧк тоғынчам.

Иоанн 5:17 ပူးပေါင်းရင်းမြစ်များ

Матфей 10:29

Оох ахчаа ікі кічиҷек пораатайны садып аларға чарир нимес пе зе? Че Пабаңарның кӧңні полбаза, оларның пірдеезі чирзер тӱспес.

Иоанн 14:10

Минің Пабамда полчатханыма, Пабамның, тізең, Минде полчатханына, киртінминчезің ме? Сірерге чоохтапчатхан сӧзімні Мин Позым хынғанни чоохтабинчам. Минде полчатхан Пабам Позының киректерін итче.

Иоанн 5:16

Иудейлер, андағ нимелерні субботада итчеткені ӱчӱн, Иисусты, ӧдірібізерге идіп, сӱріс сыхханнар.

Иоанн 5:18

Иудейлернің Иисусты, субботадаңар чахығны сайбааны ла ӱчӱн нимес, че Худайны Пабам тіп адааны паза Позын Худайнаң тиңнеені ӱчӱн, ӧдірерлері уғаа килген.

Иоанн 9:4

Мині ысхан Худайның киректерін кӱн хонғалахха толдырарға кирекпін. Харасхы килир. Ол килзе, пірдеезі пір дее ниме ит полбас.

Илҷілернің 14:17

Ол піске, чахсызын читіріп, тигірдең наңмыр, чахсы тамах сыхчаң чыллар, ас-тамах пирҷең, паза чӱректерібісті ӧрініснең толдырҷаң. Іди Ол Позынаңар ӱзігі чох киречілеп сал турған.

Илҷілернің 17:28

«Піс Худайның сылтаанаң чуртапчабыс, пас чӧрчебіс паза ӧӧн позыбыснаң мындабыс нимес пе зе». Сірернің кибелісчілеріңнің хай піреезі чоохтаанни: «Піс тее Аның палаларыбыс». –

1 Коринфтегілерге 12:6

Иткені дее пасха-пасха полча. Че олох ла Худай пісте тоғынча паза прай нимеде піске полысча.

Колоссадағыларға 1:16

Тигірдегізі паза чирдегізі, кӧрінчеткені паза кӧрінмезі – прай ниме Аның пастыра пӱткен: ӱлгӱ сіреелерінде одырчатханнар ба, хан-пиг полчатханнар ба, пастыхтар ба, ӱлгӱлер бе – прай ол Аның пастыра паза Ағаа пӱдірілген.

1 Фессалониктегілерге 2:13

Аннаңар, сірер пістең искен Худай сӧзін, кізі сӧзін чіли нимес, че Худай сӧзін чіли алынғаннарың ӱчӱн, Худайыбысты сыбыра алғыстапчабыс. Ол сынынаң Худай сӧзі паза сірерге, киртінчеткеннерге, тееліп, сірерні алыстырча.

Еврейлерге 1:3

Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.