Иоанн 4:48 - Наа Молҷағ

⁴⁸ Сірер, танығлар паза хайхастар кӧрбеенде, киртінмессер, – нандырған Иисус. –

Иоанн 4:48 ပူးပေါင်းရင်းမြစ်များ

Матфей 16:1

Фарисейлернең саддукейлер, пас киліп, Аны сыныхтирға полып, тигірдең танығ кӧзіт пирерге сурынғаннар.

Матфей 24:24

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Матфей 27:42

Пасхаларын арачылаан, позын, тізең, арачылап полбинча! Ол Израиль ханы полчатса, сағамох кірестең тӱссін. Андада ағаа киртінербіс.

Марк 13:22

Кӧп чой мессий-христостар паза чой ухаанҷылар сыға саларлар нооза. Худайның таллап алған кізілерін алаахтыр поларлар ба тіп, танығлар паза хайхастар идіп, кӧзідерлер.

Лука 10:18

Иисус оларға теен: – Тигірдең чалын на чіли тӱсчеткен сайтанны кӧргем.

Лука 16:31

Андада Авраам ағаа теен: «Олар, Моисейнең ухаанҷыларны испинчетселер, піреезі тіріл килзе дее, киртінместер».

Иоанн 12:37

Иисус кізілернің кӧзіне нинҷе-нинҷе хайхас иткен дее полза, олар Ағаа киртінмееннер.

Иоанн 15:24

Мин оларның аразында пір дее кізі ит полбас нимелерні итпеен ползам, олар пыролығ полбасчыхтар. Амды, тізең, олар, Минің иткен нимелерімні кӧріп, Мині дее, Пабамны даа хырт кӧрчелер.

Иоанн 2:18

Иудейлернің пастыхтары Иисустаң сурғаннар: – Синің піди идер ӱлгӱңнің парын хайдағ танығнаң піске киречілирзің? –

Иоанн 20:29

Син, Мині кӧріп, киртіндің ме? Че, Мині кӧрбин, киртінчеткеннері часкалығлар, – теен Иисус.

Иоанн 4:49

Хан-пигім! Оолғым ӱреелекке, кил пар, – сурынча устағҷы. –

Илҷілернің 14:3

Андағ даа полза, Павелнең Варнава, мында илееде ӱрге халып, Хан Худайдаңар чалтанмин ӱгреткеннер. Худай Позының паарсазын пирчеткенін таныхтап, илҷілерге танығлар паза хайхастар идерге кӱс пирчеткен.

Илҷілернің 15:12

Анаң чыылған чон, тымыл парып, Варнаванаң Павелні искен. Олар хайди Худай оларнаң пастыра иудей ниместернің аразында хайхастар паза танығлар иткенінеңер чоохтааннар.

Илҷілернің 2:19

Ӧӧр тигірде хайхастар, алтында чирде, тізең, танығлар кӧзідербін: хан, чалыннығ от паза ыс полар.

Илҷілернің 2:22

Израильдегілер, пу сӧстерні истіп алыңар: Назареттең сыххан Иисус Худайның кізізі полғанын Худай позы сірернің араңарда Аннаң пастыра иділген кӱстернең, хайхастарнаң паза танығларнаң киречілеен. Сірер анзын постарың даа пілчезер.

Илҷілернің 2:43

Полған на кізінің істінде чочыс полған; илҷілер пастыра кӧп хайхастар паза танығлар Иерусалимде иділгеннер.

Илҷілернің 4:30

Син, тізең, Иисустың, Ах-арығ Нымысчының, адынаң кізілерні имнирге паза танығларнаң хайхастар идерге холыңны алнынзар сун.

Илҷілернің 5:12

Илҷілер кӧп хайхастар паза танығлар чон аразында ит чӧргеннер. Прай киртінчеткен чон Соломонның колоннадазында хада чыылыс турҷаң.

Илҷілернің 6:8

Стефан, тізең, киртінізі пастыра паза Худай кӱзінең кізілер аразында илбек хайхастар паза танығлар иткен.

Илҷілернің 7:36

Пу Моисей, Египет чирінде, Хызыл талай хыринда, аның соонаң хуу чазыда хырых чылҷа хайхастар паза танығлар идіп, чонын Египеттең сығарып алған.

Римдегілерге 15:19

Ол анзын танығларнаң паза хайхастарнаң, Худай Худының кӱзінең иткен. Аннаңар мин Христостың Чахсы Хабарына Иерусалимнең Иллирикке читкенҷе ӱгрет парғам.

1 Коринфтегілерге 1:22

Иудейлер дее хайхастарны хысчалар. Гректер дее хыйғаны тілепчелер.

2 Коринфтегілерге 12:12

Минің илҷі полчатханымның киречілестерін – минің тыстанызымны, кӧп хайхастарны, танығларны, таңнастығ киректерні – сірер кӧргезер. Мин оларны сірернің аразында тыстанып иткем.

2 Фессалониктегілерге 2:9

Ӱлгӱ сайбағҷызы, сайтанның кӱзінең тузаланып, аймах кӱстер, танығлар, чой хайхастар идіп килер.

Еврейлерге 2:4

Ағаа хоза Худай, хайхастарны, танығларны паза аймах-пасха таңнастығ киректерні киречілес идіп, Худай Худының сыйыхтарын Позының кӧңнінҷе ӱлестірген.