Иоанн 4:46 - Наа Молҷағ

⁴⁶ Иисус пазох Галилей чиріндегі Кана аалзар килген, ол анда хаҷан-да суғны арағаа айландырған. Ол туста Капернаумда пір пӧзік устағҷының оолғы ағырчатхан.

Иоанн 4:46 ပူးပေါင်းရင်းမြစ်များ

Матфей 15:22

Ол чирлердең сыххан ханаан ипчі, Иисуссар киліп, хысхырған: – Айадах мағаа, Хан-пигім, Давид тӧлі! Минің хызым айнаа тың хаптырт салды.

Матфей 4:13

Ол, Назареттең сығып, Завулон паза Неффалим чирлерінзер киліп, Галилей кӧлінің хазындағы Капернаум саарда чуртап сыххан.

Матфей 9:18

Иисус іди чоохтанып одырған туста, пір пастых кізі, пас киліп, Аның алнында тізекке тӱзіп, алданған: – Хызым сағам на ӱреп парды, че Син, парып, андар холың салзаң, ол тіріл килер.

Лука 4:23

Иисус оларға теен: – Сірер Мағаа «Имҷі! Позыңны имнеп ал!» тіп сӧспекті хайди даа чоохтирзар. Ідӧк сірер Мағаа тирзер: «Капернаумда иткен нимелеріңні искебіс, мында даа, позыңның тӧреен чиріңде, ит оларны».

Лука 7:2

Ол саарда Рим сирігінің чӱс чааҷының пазы полған. Аның аарлапчатхан нымысчызы, уғаа тың ағырыбызып, ӧлер пазы чатчатхан.

Лука 8:42

Иаирнің он ікі частығ чалғыс хызыҷаа, тың ағырып, ӱрир пазы чат чатхан. Иисус Иаирнің туразынзар парчатханда, Аннаң ибіре кӧп кізі, ітклезіп ала, хада субалысхан.

Иоанн 2:12

Той соонаң Ол іҷезінең, харындастарынаң, ӱгренҷілерінең хада Капернаум саарзар парыбысхан. Капернаумда олар нинҷе-де кӱн полғаннар.

Иоанн 21:2

Симон-Пётр, Ікіс тіп солалығ Фома, Галилей чиріндегі Кана аалдаң Нафанаил, Зеведейнің ікі оолғы паза олардаң пасха Иисустың ікі ӱгренҷізі прайлары хада анда чыылыс парғаннар. –