21 Киртін Мағаа, Пабама пу тағның ӱстӱнде дее, Иерусалимде дее пазырбас тус килир, – чоохтапча Иисус. –
Минің ӱчӱн ікі алай ӱс кізі хада чыылысса, Мин анда оларның аразында поларбын нооза.
Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.
Оларның хайзылары хылыстарнаң ӧдіртіп, пасхалары андағ-мындағ чоннарзар сӱрдірт парыбызарлар. Иерусалимні, тізең, Худайы чохтар, тустары тоозылғанҷа, типсирлер.
Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.
Сірерні синагогалардаң сығара сӱрерлер. Сірерні ӧдірчеткен полған на кізі позының киреенең Худайға чахсы итчем тіп сағынар. Андағ тус чағдапча.
Сірернің, Мині чалғызан тастап, тараза халар тузыңар чағдап одыр, чағдап таа килді. Че Мин чалғызан нимеспін, Пабам Миннең хада.
Че килер андағ тус, ол чит тее килді полар, хаҷан сыннаң Пабама киртінчеткен кізілер, Пабамны піліп алып, Позына чӱректерінде пазырарлар. Іди кізілер Пабама Аның кӧңні хоостыра пазырарлар.
Сынны сірерге чоохтапчам, ӧліглернің Худай Оолғының ӱнін исчең, паза, аны истіп, тіріл килҷең тус чағдап одыр, ол чит тее килді полар.
Пу нимее хайхабаңар. Сыыраттарда чатчатханнар прайзы Кізі Оолғының ӱнін ис салар тус килче.
Аннаңар Христостың пастыра прайзыбыс, иудейлер дее, пасха даа чоннар, пір Хуттығ полып, Пабабысха чағын кір поларбыс.
Пу сылтағнаң мин пістің Хан-пигібіс Иисус Христостың Пабазының алнында тізекке тӱсчем.
Ана іди ноо даа чирде иреннер, холларын арығ чӱректіг ӧӧр кӧдіріп, ӧкпе-тартыс чох пазырзыннар тіп сағынчам.
Худай сірернің Пабаңар полча тіпчезер бе? Че Ол чарғылапчатса, кізілерні талластырар чоғыл, иткен киректері хоостыра чарғылапчадыр. Пу ах-чарыхта чӧрчеткен тустарыңны Худайны улуғлап иртіріңер.
Ӧӧркі Чайаачы, Прай нимедең кӱстіг Худай паза Хураған – Саарның храмы полчалар. Пасха храм мин кӧрбеем.