Иоанн 3:29 - Наа Молҷағ

²⁹ Хоных хончатхан оол тойның ӧӧн кізізі полча, арғызы, тізең, хости турып, аны исчеткеніне ӧрінче. Мин дее іди ӧрінчем.

Иоанн 3:29 ပူးပေါင်းရင်းမြစ်များ

Матфей 22:2

Тигір хан-чирі, позының оолғына ипчі ал пиріп, улуғ той иткен ханға тӧӧй поладыр.

Матфей 25:1

Андада, чарытхыларын алып, ипчі алчатхан оолны удурлирға сыххан он хысха тӧӧй полар Тигір хан-чирі.

Матфей 9:15

Иисус оларға нандырған: – Ипчі алчатхан оол тойда аалҷыларнаң хада полза, олар мӧңіс поларлар ба за? Че хоных хончатхан оолны оларның аразынаң апарыбызар кӱннер килзе, андада олар ораза тударлар.

Лука 15:6

ибінзер киліп, арғыстарынаң хонҷыхтарын чыып алып, оларға тир: «Ӧрініңер миннең хада: Мин чіт парған хойымны таап алдым».

Иоанн 15:11

Минің ӧрінізім сірерни ползын, мыны сірерге ӧріністерің толдыра ползын тіп чоохтадым.

Иоанн 16:24

Амға теере Минің ӱгренҷілерім полып, пір дее ниме сурбаазар. Сірернің ӧріністерің толдыра полар ӱчӱн, сурыңар, алып аларзар.

Иоанн 17:13

Амды Мин Синзер парчам. Олар даа ӧрінізімні Миннең ӱлессіннер тіп, сағам Позым чир ӱстӱндеде мыны чоохтапчам.

Иоанн 3:30

Амды Иисусха аннаң андар улуғдаң улуғ полып одырарға кирек, мағаа, тізең, чабыс полып одырарға.

2 Коринфтегілерге 11:2

Мин сірерні Худайның кӱннезінең кӱннепчем. Мин сірерні пір ирге сӧлеп салғам. Ам арығ чӱректіг хысты Христосха пирібізерге итчем.

Филипптегілерге 2:2

ӧрінізімні хос пиріңер: пір сағыстығ, пір хыныстығ, пір кӧңніліг, пір кӧстегліг полыңар.

1 Иоанның 1:4

ӧріністерің толдыра ползын тіп, сірерге пу пічікті пасчабыс.

2 Иоанның 1:12

Сірерге пасчаң кӧп нимелерім пар, че ол нимелерні чаҷында черниланаң тооза пазарға хынминчам. Ӧріністерің толдыра ползын тіп, сірерзер киліп, кӧстең кӧске чоохтазып аларыма ізенчем.

Азых чоох 21:9

Халғанҷы читі чобағның читі айағын тутчатхан читі ангелнің пірсі, минзер пас киліп, теен: – Парааң, мин сағаа Хурағанның алчатхан хызын кӧзіт пирербін.