Иоанн 21:22 - Наа Молҷағ

²² Мин аны, Позым хатап килгенҷе, чуртадарға хынчатхан ползам даа, синің анда ноо киреең? Син Минің соомҷа пар, – нандырған Иисус.

Иоанн 21:22 ပူးပေါင်းရင်းမြစ်များ

Матфей 16:24

Андада Иисус Позының ӱгренҷілеріне чоохтанған: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Матфей 24:27

Хайди сағын, іскер чарып, кидер дее кӧріне халадыр, Кізі Оолғының даа килері андағ полар.

Матфей 24:3

Иисус Елеон тағда одырчатханда, тізең, Андар ӱгренҷілері ле киліп, Аннаң сурғаннар: – Чоохтап пир піске, хаҷан полар ол ниме? Тӱгенҷі тус поларына паза Синің килеріңе хайдағ танығ полар? –

Матфей 24:44

Кізі Оолғы сірер пір дее сағыбаан туста чиде салар, аннаңар хаҷан даа тимде полыңар. –

Матфей 25:31

Хаҷан Кізі Оолғы Позының сабланызында паза Аннаң хада прай ах-арығ ангеллері чиде салзалар, андада Ол Позының сабланыстығ ӱлгӱ сіреезіне одырыбызар.

Матфей 8:22

Че Иисус ағаа теен: – Син Минің соомҷа пар. Ӧліглер ӧліглерін постары чығзыннар.

Марк 9:1

Иисус оларға теен: – Сынны чоохтапчам сірерге, мында турчатханнарның хайзылары сын чирге нанғалаххаох Худай хан-ӱлгӱзін кӱзінде килгенін кӧріп аларлар.

Иоанн 21:19

Иисус, іди чоохтап, Пётрны хайдағ ӧлімнең Худайны сабландырарынаңар, сизіндірген. Анаң ағаа теен: – Минің соомҷа пар.

Иоанн 21:21

Пётр, Иисустың хынҷаң ӱгренҷізін кӧр салып, Иисустаң сурған: – Хан-пигім! Пу ӱгренҷіңнең чи ниме полар? –

1 Коринфтегілерге 11:26

Сірер пу халасты чеен сай, пу ідісті іскен сай Хан-пигнің килгенінҷе, іди Аның ӧлімінеңер чарлапчатхан полчазар нооза.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

1 Фессалониктегілерге 2:19

Сірернің ӱчӱн нимес пе, пістің ізеніс, ӧрініс пар паза Иисус Христос килген туста, Аның алнында Чахсы Хабарның чиңізінең махтанар оңдай пар?

Иаковтың 5:7

Че, харындастар, Хан-пиг килерін тыстаныснаң сағыңар. Мына хыраҷы чирдең аарлығ ниміс сахтапча. Аны алар ӱчӱн, ол наңмыр чаарын часхы-кӱскӱзін тыстанып сағыпча.

Иаковтың 5:8

Сірер дее іди тыстаныңар: Хан-пигнің килері чағдапчатханнаңар, чӱрееңерні пик тудыныңар.

Азых чоох 1:7

Мына! Ол пулуттарынаң хада килир. Аны полған на кізі кӧр салар, Аны кіреске хазаан кізілер дее кӧр саларлар. Прай чир ӱстӱндегі чоннар Аның алнында сыхтирлар. Ана іди полар. Аминь! –

Азых чоох 2:25

Че сағам, Мин килгенҷе, позыңардағы ла нимелерні хайраллаңар.

Азых чоох 22:20

Прай пу нименің Киречізі тіпче: – Йа, Мин, тӱрче полза, килербін! Аминь, іди ползын! Кил Иисус, Хан-пигібіс!

Азых чоох 22:7

«Мына, тӱрчедең килербін! Пу пічікте пазыл парған ухаанҷыластың сӧстерінҷе чуртапчатхан кізі часкалығ», – тіпче Иисус Христос.

Азых чоох 3:11

Мин тӱрчедең килербін. Чиңіс танииңарны – венокты, пірдеезі оғырлап парыбыспазын тіп, нинҷе пар нимеңерні пик тудыңар.