Иоанн 21:17 - Наа Молҷағ

¹⁷ Иисус ӱзінҷі хати сурған: – Ионаның оолғы, Симон! Син Мағаа хынчазың ма? Іди Иисус «Мағаа хынчазың ма» ӱзінҷізін сурғанда, Пётр, хомзын парып, Иисусха нандырған: – Хан-пигім! Сағаа хынчатханымны, Син пілчезің. – Минің хойларымны хадар.

Иоанн 21:17 ပူးပေါင်းရင်းမြစ်များ

Матфей 25:40

«Сынны сірерге тіпчем, сірер кічіг харындастарымның пірсіне иткен нимелерні мағаа даа иткезер» тіп нандырар оларға хан.

Марк 14:72

Ол туста питук ікінҷізін тапсабысхан. Андада Пётр, Иисустың «Питук ікі хати тапсаанҷа, син Миннең ӱс хати тӧдір пазынарзың» теен чооғын сағысха киріп, ылғабысхан.

Иоанн 12:8

Чох кізілер сірернің хыриңарда хаҷан даа поларлар. Че Мин сірернең хада хаҷандаа полбаспын.

Иоанн 13:38

Син Минің ӱчӱн ӧл тее парарҷыхсың ма? Сынны сағаа чоохтапчам, питук тапсаалаххаох, син Миннең ӱс хати хыйа полыбызарзың, – нандырған Иисус.

Иоанн 14:15

Мағаа хынчатсаңар, чахығларымны толдырыңар.

Иоанн 15:10

Мин, Пабамның чахығларын толдырып, Аның хынызында полчам, сірер дее ідӧк, чахығларымны толдырзаңар, Минің хынғаннарым поларзар.

Иоанн 16:30

Амды Синің прай нимені кӧрчеткеніңні паза Синнең ниме сурынарыбысты азынада пілчеткеніңні оңнадыбыс. Аннаңар Худайдаң тӱскеніңе киртінчебіс.

Иоанн 18:27

Чох, – пазох нандырған Пётр. Сах андох питук тапсабысхан.

Иоанн 18:4

Иисус, Позынаң ниме поларын прай пілген дее полза, алнынзар сығып, олардаң сурған: – Кемні тілепчезер? –

Иоанн 21:18

Сынны сағаа чоохтапчам, чиитте син позың, хурчанып алып, хайдар хынзаң, андар чӧрҷеңзің. Киріп парзаң, тізең, холларыңны сунарзың, сині пасха кізі, хурчап алып, син хынминчатхан чирзер апарар, – теен Иисус.

Иоанн 4:16

Парып, иріңні пеер хығыр кил, – тіпче Иисус. –

Илҷілернің 1:24

Чыылығдағылар, Худайға пазырып алып, тееннер: – Хан Худай, Син прайзының чӱреен пілчезің, пу ікі кізінің хайзын таллап алдың, кӧзіт.

Илҷілернің 11:10

Іди ӱс хати полған. Анаң прай ниме тигірзер хатап кӧдіріле халған.

Илҷілернің 15:8

Кізілер сағызын пілчеткен Худай, иудей ниместерге піскеӧк чіли Худай Худын сыйлап, оларны Позына алчатханын киречілеен.

2 Коринфтегілерге 1:12

Мына нимее поғдархапчабыс паза арығ сағыснаң киречілепчебіс: чон аразында, улам сірернің араңарда, полған туста, прай киректерде кӧні паза азых кӧңніліг тудынғабыс. Піс, кізі хыйғазынаң устанмин, Худайның паарсазына ізенгебіс.

Ефестегілерге 4:30

Худай Худын хомзындырбаңар. Позып алар кӱннің ӱчӱн сірер ол Хутнаң таныхтал парғазар.

1 Петрның 1:6

Сірер анзына ӧрініңер. Сағамғы туста, аймах-пасха сынағлар иртіп, чобаларға килісчеткен дее полза, ӧрініңер.

2 Петрның 3:1

Хынғаннарым! Пу минің сірерге пасчатхан ікінҷі пічиим. Пу сын ӱгредігдеңер хатап пазып, сірерні орта сағынзыннар тіп хынчам.

Азых чоох 2:23

Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.

Азых чоох 3:19

Кемге Мин хынчам, аны, пырозын ілезіне сығарып, хатығлапчам. Аннаңар, кӱстеніп, пыросыныңар.