Иоанн 21:16 - Наа Молҷағ

¹⁶ Иисус ікінҷі хати Пётрдаң сурған: – Ионаның оолғы, Симон! Син Мағаа хынчазың ма? – Йа, Хан-пигім! Син пілчезің, мин Сағаа хынчам, – нандырған Пётр. – Минің хойларымны хадар, – теен Иисус.

Иоанн 21:16 ပူးပေါင်းရင်းမြစ်များ

Матфей 25:32

Аның алнына прай чоннар чыылыс килерлер. Андада оларны, мал хадарҷызы хойларны ӧскілердең чарчатхан чіли, Ол ікі чара чар салар.

Матфей 26:72

Мин ол Кізіні пілбинчем, – тіп обалланып ала тоғыр сапхан Пётр.

Лука 19:10

Кізі Оолғы, чіткенін таап, арачылирға килген.

Иоанн 18:17

Ізік хадарҷаң нымысчы ипчі Пётрға теен: – Син Иисустың ӱгренҷілерінің пірсі нимессің ме? – Чох, – нандырған Пётр.

Иоанн 18:25

Симон-Пётр, турып, чылынчатхан. – Син аның ӱгренҷілерінің пірсі нимессің ме? – сурғаннар аннаң. – Чох, – нандырған Пётр.

Иоанн 21:17

Иисус ӱзінҷі хати сурған: – Ионаның оолғы, Симон! Син Мағаа хынчазың ма? Іди Иисус «Мағаа хынчазың ма» ӱзінҷізін сурғанда, Пётр, хомзын парып, Иисусха нандырған: – Хан-пигім! Сағаа хынчатханымны, Син пілчезің. – Минің хойларымны хадар.

Илҷілернің 20:28

Постарыңны паза Худай Худы хадарарға пирген ӧӧрні чахсы кӧріңер. Худайның паза Хан-пигібістің Позының тӧгілген ханы пастыра алған тигірибін хайраллаңар.

Еврейлерге 13:20

Иисус Худайның мӧгі Молҷаан Позының ханынаң таңмалабысхан. Ол оңдайнаң Ол Позының хойларының Илбек хадарҷызы полыбысхан. Амыр пирчеткен паза Иисусты тірілдірібіскен Худай сірерні ноо даа чахсы кирекке пик итсін. Чахсы киректер идіп, сірер Аның кӧңнін толдырчазар. Ол, тізең, Иисус Христостың пастыра сірерде тоғыс апарып, Позының кӧңніне кірер иде сірерні алыстырча. Иисусха хаҷан даа сабланыс ползын! Аминь.

1 Петрның 2:25

Сірер астых чӧрчеткен хойлар осхас полғазар. Амды, тізең, сірернің чуртастарыңны хайраллапчатхан Хадарҷызар айлан килгезер.

1 Петрның 5:2

Худайның ӧӧрін хадарыңар. Олардаңар, ирік чохтаң на нимес, пос кӧңнінҷе Худай хынар иде сағыссыраңар. Анзын, посха хараспин, хынып идіңер.