Иоанн 20:1 - Наа Молҷағ

¹ Неделяның пастағы кӱнінде, позырахта, Мария Магдалина, иртен харасхыдох хуюзар киліп, кӧрзе, хуюны пазыр салған тас хыйа іділ партыр.

Иоанн 20:1 ပူးပေါင်းရင်းမြစ်များ

Матфей 27:56

Оларның аразында Мария Магдалина, Иаковнаң Иосийнің іҷезі Мария паза Зеведей оолларының іҷезі полғаннар.

Матфей 27:60

Позының ӱр ниместе хайада кирткен сыырадында чыып салған. Хую ахсын чоон таснаң чаап салып, позы парыбысхан.

Матфей 27:64

Аннаңар ӱгренҷілері, хараа киліп, аның сӧӧгін ал парыбызып, чонға «Ол тіріл килген» тібезіннер тіп, аның хуюзын ӱс кӱнге теере хадарарға чахығ пирібіс; пирбезең, халғанҷы чойланыс аның чой ӱгредиинең хай-хай хомай полар. –

Матфей 27:66

Олар, парып, хую хыринда хадағ турғыс салып, хую чаапчатхан тасха таңма турғыс салғаннар.

Матфей 28:1

Суббота кӱн соонаң, неделяның пастағы кӱнінде, иртен иртӧк Мария Магдалинанаң пасха пір Мария хуюны кӧрерге парғаннар.

Матфей 28:2

Кинетін чир уғаа тың тітіреп сыххан. Хан Худай ангелі, тигірдең тӱс киліп, хуюны чапхан тасты хыйа идібізіп, ағаа одыр салған.

Марк 15:46

Иосиф, ис садып алып, Иисусты кірестең суурып, ол иске ораабысхан. Анаң хайада кирт салған хую істінде Аны чатыр салған, хую ахсын чоон таснаң пазыр салған.

Марк 16:9

Неделяның пастағы кӱнінде иртен ирте Иисус тіріл парған. Пастап Ол хаҷан-да читі айна-чигін сығарған Мария Магдалинаа кӧрін парған.

Иоанн 11:38

Иисус, тізең, уғаа чӱрексіп, хуюзар пас килген. Хуюның ахсын таснаң чаап салған полғаннар. –

Иоанн 11:41

Ӱреен кізі чатчатхан хуюдаң тасты хыйа ідібіскеннер. Иисус, тигірзер кӧрібізіп, теен: – Пабам! Мині истіп салғаның ӱчӱн, алғыстапчам.

Иоанн 19:25

Иисустың кірезі хыринда Аның іҷезі, іҷезінің чаҷазы, ідӧк Клеопаның ипчізі Мария паза Мария Магдалина турғаннар.

Иоанн 20:26

Сигіс кӱн пазынаң Иисустың ӱгренҷілері пазох хада полғаннар, амды Фома оларнаң хада полған. Ізіктер пиктіг полған даа полза, Иисус, кір киліп, оларның аразында турып, чоохтанған: – Амыр-хазых сірерге!

Илҷілернің 20:7

Суббота иирде ӱгренҷілер Павелзер халас сындырарға чыылысханнар. Пазағы кӱнінде чорыхха сығарға итчеткеннеңер, Павел ӱгренҷілернең хада орты харааға теере чоохтасхан.

1 Коринфтегілерге 16:2

Мин килзем, ахча чыып чӧрбес ӱчӱн, полғаны ла тоғынған ахчазынаң пир поларын позырах сай чыынып одырзын.

Азых чоох 1:10

Позырахта, Худай кӱнінде, Худай Худының кӱзі мағаа тол парыбысхан, анаң кистімде, пырғы тартхан осхас, ӧтіг ӱнні ис салғам: – Мин Альфа паза Омега, пастағызы паза халғанҷызы полчам.