Иоанн 18:32 - Наа Молҷағ

³² Иисустың хайдағ ӧлімнең ӧл парарынаңар чоохтаан сӧстерінің тол парары ӱчӱн, мындағ чоох пол парған.

Иоанн 18:32 ပူးပေါင်းရင်းမြစ်များ

Матфей 20:19

Худайы чохтарның холына, кӱлзіннер, сохсыннар паза кіреске хазазыннар тіп, пирібізерлер. Че ӱзінҷі кӱнінде Ол тіріл килер.

Матфей 26:2

Ікі кӱн пазынаң Па́сха тіп ӱлӱкӱн поларын пілчезер. Андада Кізі Оолғын кіреске хазап саларға пирібізерлер.

Марк 10:33

Мына піс Иерусалимзер парирбыс. Анда Кізі Оолғын, садып, улуғ абыстарның паза Моисей Чахии пілігҷілерінің холына пирібізерлер. Олар Аны, ӧлімге чарғылап, пасха худайлығларның холына пирібізерлер.

Иоанн 10:31

Аны истіп, иудейлер, Иисусты чоо чаалирға тіп, пазох тастар хапханнар. –

Иоанн 10:33

Чахсы киректер иткен ӱчӱн нимес, Худайны хомайлааның ӱчӱн, кізі ле полчадып, Позыңны Худайға сананчатханың ӱчӱн, Сині таснаң чаалирбыс, – нандырғаннар иудейлер. –

Иоанн 13:18

Сірернің прайларыңнаңар чоохтабинчам. Мин Позымның таллап алған кізілерімні пілчем. Че «Миннең хада халас чеен кізі Миннең тоғыр парар» тіп, Худай Пічиинде пазылған сӧстернің тол парары ӱчӱн, піди поларға кирек.

Иоанн 18:31

Сірер аны, мыннаң апарып, постарыңның чахииңар хоостыра чарғылаңар, – теен Пилат. – Рим чарғы-чахии хоостыра кізіні ӧлімге чарғылаҷаң пір дее ӱлгӱбіс чоғыл, – нандырғаннар иудей пастыхтары.

Иоанн 21:19

Иисус, іди чоохтап, Пётрны хайдағ ӧлімнең Худайны сабландырарынаңар, сизіндірген. Анаң ағаа теен: – Минің соомҷа пар.

Иоанн 3:14

Чыланға ызыртхан кізілер ӧлбес ӱчӱн, чис чыланзар кӧрзіннер тіп, Моисей чистең иділген чыланны хуу чазыда, ағасха хазап, кӧдір салған. Сах іди, Кізі Оолғына киртінчеткен кізілер ӧлбезіннер, мӧгі чуртастығ ползыннар тіп, Аны, ағасха хазап, кӧдір саларға кирек.

Иоанн 8:28

Иисус аннаң андар чоохтаан: – Кізі Оолғын чирдең ӧӧр кӧдіріп, хазап салзаңар, андада «Мин Минмін» тіп піліп аларзар. Мин Позым алынҷа пір дее ниме итпинчем, Пабам ӱгреткен хоостыра чоохтапчам.

Илҷілернің 7:59

Анаң, «Иисус Хан-пигім! Минің тынымны алып ал» тіп чоохтанып ала, пазырчатхан Стефанны тастарнаң чаалааннар.

Галат чиріндегілерге 3:13

Христос пісті Моисей Чахиинда пазылых харғастаң ал халған. Позы, тізең, пістің орныбысха харғатхан. Ағаста палғат салғаны харғатхан тіп пазылых нооза.