Иоанн 18:20 - Наа Молҷағ

²⁰ Иисус ағаа піди нандырған: – Мин кізілерге прай нимені чазырбин чоохтаам. Прай иудейлер чӧрҷең синагогаларда паза Иерусалим храмында сыбыра ӱгреткем. Пір дее нимее харанға ӱгретпеем.

Иоанн 18:20 ပူးပေါင်းရင်းမြစ်များ

Матфей 24:26

Алай сірерге «Мына Ол хуу чазыда» тізелер, парбаңар андар; «Ол мында, кӧрінмес чирде» тізелер, киртінмеңер.

Матфей 26:55

Анаң Иисус чонға чоохтанған: – Сірер, хылыстар паза ӧзектер алып алып, Мині, сайбағҷыны чіли, тудып аларға килдіңер бе? Мин, кӱннің сай храмда сірерні ӱгредіп одырҷаң полғам, сірер, тізең, Мині хаппаҷаңзар.

Матфей 26:65

Андада иң улуғ абыс, кибін тали тартып ала, теен: – Мына, Худайдаң тоғыр чоохтанча! Піске паза киречілер кирек пе? Худайдаң тоғыр чоохтанғанын сағам на истіңер!

Матфей 4:23

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң ағырчатхан алай сағ чохтанчатхан кізілерні имнеп, прай Галилей чирінҷе чӧрген.

Матфей 9:35

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң паза сағ чохтаныстардаң кізілерні имнеп ала, прай саарларҷа паза аалларҷа чӧрген.

Марк 8:32

Анзын Ол прайзына кӧні чоохтаан. Че Пётр, Аны хыйа апарып, удурласхан.

Лука 21:37

Иисус, кӱнӧрте храмда кізілерні ӱгредіп, хараазын, тізең, Елеон тағда иртірҷең.

Лука 4:15

Ол синагогаларда кізілерні ӱгрет чӧрген, прайзы Аны саблаан.

Иоанн 18:21

Ноға Миннең сурчазың? Минің чоохтаан нимелерімнеңер Мині искен кізілердең сур. Нимедеңер чоохтаанымны олар пілчелер.

Иоанн 6:59

Иисус пу сӧстерні Капернаумдағы синагогада ӱгретчедіп чоохтаан.

Иоанн 7:14

Пайрам кӱннерінің ортызында Иисус, храмзар кір киліп, ӱгреткен. –

Иоанн 7:26

Кӧріңер, ол прайзының кӧзіне ӱгретче, че пірдеезі ағаа ниме чоохтанминча. Пастыхтар аның сынап таа Мессий-Христос полчатханын піліп алдылар ба?

Иоанн 7:28

Андада Иисус, храмда ӱгредіп, тыыда чоохтанған: – Сірер Мині пілчезер нимес пе? Минің хайдаң килгенімні дее пілчезер нимес пе? Мин Позым оңдайынҷа килбеем. Кем Мині ысхан – Ол Сынға ӱгретче, Аны сірер пілбинчезер.

Иоанн 8:2

иртен, тізең, пазох храмзар айлан килген. Прай чон Аныңзар чыылысхан, Иисус, тізең, одырып, оларны ӱгрет сыххан.

Иоанн 8:26

Мин сірердеңер кӧп ниме чоохтирҷыхпын паза сірерні чарғылирҷыхпын. Че Мині ысхан Пабам сын нимее хынчатханнаңар, Аннаң искен нимені кізілерге чоохтапчам.

Илҷілернің 26:26

Аннаңар хан пілче, мин аның алнында чалтанмин чоохтанчам. Пу полған нимелердеңер аның пілбинчеткеніне мин киртінминчем. Олар хайда-да чазытта иділбееннер.