Иоанн 15:20 - Наа Молҷағ

²⁰ Сірерге чоохтаан сӧзімні ундутпаңар: «Нымысчы позының ээзінең улуғ полбинча». Мині ӧдірерге иткеннерінде, сірерні дее ӧдірерге идерлер. Минің сӧзімні толдырғанда, сірернің сӧзіңерні дее толдырарлар.

Иоанн 15:20 ပူးပေါင်းရင်းမြစ်များ

Матфей 10:24

Ӱгренҷі ӱгретчідең улуғ полбинча, нымысчы ээзінең улуғ полбинча.

Марк 10:39

Пол поларбыс, – нандырғаннар олар. Иисус, тізең, оларға теен: – Мин іскен ідістең ізерзер, Минӧк чіли кіреске тӱзерзер.

Лука 2:34

Симеон, оларны алғап, Марияа, Иисустың іҷезіне, чоохтанған: – Пу Час Паланың ӱчӱн Израильде кӧп кізі тӧбін дее тӱзер, пӧзік тее кӧдірілер, Аннаң ӱчӱн кӧп кізі, тартызып,

Лука 6:40

Ӱгренҷі ӱгретчідең улуғ пола чоғыл, че ӱгреніп алза, полғаны ла позының ӱгретчізіне тӧӧй пол парар.

Иоанн 10:31

Аны истіп, иудейлер, Иисусты чоо чаалирға тіп, пазох тастар хапханнар. –

Иоанн 11:57

Иисусты тудып алар ӱчӱн, улуғ абыстарнаң фарисейлер, Аның хайда полчатханын піліп алған кізі постарына искірзін тіп, чахығ пирібіскеннер.

Иоанн 13:16

Сынны сірерге чоохтапчам, нымысчы позының ээзінең улуғ нимес, ызылған кізі позын ысхан кізідең улуғ нимес.

Иоанн 5:16

Иудейлер, андағ нимелерні субботада итчеткені ӱчӱн, Иисусты, ӧдірібізерге идіп, сӱріс сыхханнар.

Иоанн 7:32

Фарисейлер Иисустаңар чонда чӧрчеткен чоох-чаахтарны искеннер. Аннаңар фарисейлер паза улуғ абыстар нымысчыларын Иисусты тудып аларға ысханнар.

Иоанн 8:51

Сынны сірерге чоохтапчам, сӧзімні толдырчатхан кізі хаҷан даа ӧлбес.

Иоанн 8:52

Иудейлер ағаа теенер: – Синің істіңде айна одырчатханын амды піліп алдыбыс. Авраам паза ухаанҷылар ӱреп парғаннар. Хайди син «Минің сӧзімні толдырчатхан кізі хаҷан даа ӧлбес» тіпчезің!

Иоанн 8:59

Андада иудейлер, Иисусты чоо чаалап саларға тіп, тастар хапханнар. Че Ол, чазыныбызып, храмнаң сыға халған. Кізілер аразынҷа иртіп, аннаң андар парыбысхан.

Илҷілернің 14:22

Піске Худайның хан-ӱлгӱзінзер кӧп хыйаллар пастыра кірерге килізер тіп ӱгредіп ала, Худайға киртінерге хығырғаннар паза ӱгренҷілернің кӧңні-сағыстарын тыытханнар.

1 Коринфтегілерге 4:12

хол кӱзінең тоғынып, істенчебіс. Пісті сӧклепчелер, піс алғапчабыс, пісті сӱрчелер, піс сыдасчабыс.

2 Коринфтегілерге 4:9

Піс сӱрдірчебіс, че Худай пісті тастабинча. Азахтаң тӱзіре саптырзабыс таа, чох иттірбеебіс.

1 Фессалониктегілерге 2:15

Ол иудейлер Хан-пигібіс Иисус Христосты паза Аның ухаанҷыларын ӧдір салғаннар. Пісті дее сығара сӱрібіскеннер. Худайның кӧңнін толдырбин, прай даа кізілерге тоғырланчалар.

2 Тимофейге 3:12

Прайзы даа, Христос Иисуста Худайның кӧңнінҷе чуртирға хынғаннары, сӱрдірер.