Иоанн 14:23 - Наа Молҷағ

²³ Мағаа хынчатхан кізі Минің сӧзімні толдырар. Пабам ағаа хынар, Пабамнаң Мин, тізең, аныңзар киліп, анда аннаң хада чуртирбыс, – нандырған Иисус. –

Иоанн 14:23 ပူးပေါင်းရင်းမြစ်များ

Иоанн 10:30

Пабамнаң Мин – пірбіс.

Иоанн 14:15

Мағаа хынчатсаңар, чахығларымны толдырыңар.

Иоанн 14:17

Ол Турысчы – Сынны искірчеткен Хут. Кізілер Аны, кӧрбинчеткеннерінеңер паза пілбинчеткеннерінеңер, постарына чағын ит полбинчалар. Сірер Аны, чағын киріп, постарыңда халғысханнарыңнаңар, пілчезер.

Иоанн 14:21

Минің чахығларымны ал чӧрчеткен паза толдырчатхан кізі Мағаа хынча. Мағаа хынчатхан кізее Пабам даа хынча. Мин дее ағаа хынарбын паза Позымнаңар сизіндірербін. –

Иоанн 14:24

Мағаа хынминчатхан кізі, Минің сӧзімні толдырбинча. Сірер исчеткен сӧс Мини нимес, Мині ысхан Пабамни.

Иоанн 15:10

Мин, Пабамның чахығларын толдырып, Аның хынызында полчам, сірер дее ідӧк, чахығларымны толдырзаңар, Минің хынғаннарым поларзар.

Иоанн 6:56

Минің ит-сӧӧгімні чіпчеткен паза ханымны ісчеткен кізі Минде полча, Мин, тізең, анда поладырбын.

Иоанн 8:51

Сынны сірерге чоохтапчам, сӧзімні толдырчатхан кізі хаҷан даа ӧлбес.

Иоанн 8:52

Иудейлер ағаа теенер: – Синің істіңде айна одырчатханын амды піліп алдыбыс. Авраам паза ухаанҷылар ӱреп парғаннар. Хайди син «Минің сӧзімні толдырчатхан кізі хаҷан даа ӧлбес» тіпчезің!

2 Коринфтегілерге 6:16

Худай храмында обаалар турғызар ба? Піс, тізең, тіріг Худайның храмы полчабыс. Худай піди теен нооза: «Мин оларның аразында Позыма тура пӱдіріп аларбын паза оларнаң хада чуртирбын. Оларның Худайы поларбын, олар, тізең, Минің чоным поларлар».

Ефестегілерге 3:17

Христос чӱрееңерде киртіністерің пастыра ползын тіп, алданчам.

1 Иоанның 2:24

Иисус Христосха киртініп пастаан тустох искен нимелер чӱрееңерде ползын. Ол тустох искен нимелер чӱрееңерде полза, сірер Оолғында даа, Пабада даа поларзар.

1 Иоанның 2:5

Худайда полчатханыбысты хайди піліп алчабыс? Худайның сӧзін толдырчатхан кізіде Худайға хыныс пӧзиине чит парча. Анзын кӧріп, піліп алчабыс!

1 Иоанның 4:4

Палаларым! Сірер Худайдаңзар, сірерде полчатхан Худай Худы чир ӱстӱндегі хуттаң улуғ, аннаңар сірер чой ухаанҷыларны утып алғазар.

1 Иоанның 5:3

Худайның чахығларын толдырчатханыбыс Ағаа хынчатханыбысты таныхтапча. Аның чахығларын толдырарға, тізең, тың аар нимес.

2 Иоанның 1:6

Хыныс, тізең, – Худайның чахығларын толдырары. Иисус Христостың кізі полып килгеніне киртінмин, чонны алаахтырчатханнар чойлар паза антихристтер прай чир ӱстӱне тарап парғаннар. Оларның тарап парғаннары ӱчӱн, Христосха киртініп пастаан тустох сірерге пирілген хыныстаңар чахығны толдырып, чуртирға кирексер.

Азых чоох 21:22

Ӧӧркі Чайаачы, Прай нимедең кӱстіг Худай паза Хураған – Саарның храмы полчалар. Пасха храм мин кӧрбеем.

Азых чоох 21:3

Тигірдең ӧтіг тапсаан ӱнні ис салғам: – Мына Худайның одаа, Худай аны кізілер аразында турғыс салар. Анда Ол кізілернең хада чуртир. Ол кізілернің Худайы полар паза кізілер Аның чоннары поларлар.

Азых чоох 22:3

Ол саарда пір дее харғатхан ниме паза полбас. Анда Худайның паза Хурағанның ӱлгӱ сіреезі полар. Худайның нымысчылары Ағаа тоғынарлар.