Иоанн 13:9 - Наа Молҷағ

⁹ Хан-пигім! Андағда азахтарымны ла нимес, че холларымны даа, пазымны даа чууп пир, – тіпче Симон-Пётр. –

Иоанн 13:9 ပူးပေါင်းရင်းမြစ်များ

Матфей 27:24

Пилат, пір дее ниме полыспинчатханын, че сууластың улам тыыпчатханын кӧріп, суғ алып, холын чонның кӧзіне чуубызып, теен: – Пу арығ чӱректіг Кізінің ханы тӧгілерінде минің пыром чоғыл, сірер нандырығ тударзар. –

Иоанн 13:10

Чуунған кізі арығ, ағаа азахтарын на чууп пирерге кирек. Сірер дее арығзар, че прайзыңар нимес, – нандырған Иисус.

Иоанн 13:8

Мин азахтарымны Сағаа хаҷан даа чуғдыртпаспын, – тіпче Ағаа Пётр. – Азахтарыңны чууп пирбезем, син паза Минің ӱгренҷім полбассың, – нандырған Иисус. –

Еврейлерге 10:22

Худайға азых чӱректіг, пик киртіністіг килееңер. Чӱреебісті кірліг сағыстардаң арығлап, идібісті арығ суғнаң чууп алып, Ағаа чағдааңар.

1 Петрның 3:21

Амды піс тее суғ пастырох кіреске тӱсчебіс. Че анзы кізінің идінің кірін арығланғаны нимес. Ол Худайзар арығ чӱректіг айланғанын таныхтапча. Іди кіреске тӱскені Иисус Христостың тірілгені пастыра сірерні арачылапча.