Иоанн 13:31 - Наа Молҷағ

³¹ Ол сых парыбысханда, Иисус чоохтаан: – Амды Кізі Оолғы сабланды, Аның сабланызы ӱчӱн Худай даа сабланды.

Иоанн 13:31 ပူးပေါင်းရင်းမြစ်များ

Матфей 8:20

Андада Иисус ағаа піди тіпче: – Тӱлгӱлернің іннері пар, тигірдегі хустарның – уйалары, че Кізі Оолғының, пазын хыйын салып, тынанып алҷаң орны чоғыл.

Лука 12:50

Мин кіресте кіреске тӱзерге кирекпін, че хайди изі чохтанчам мин, ол ниме пол парғалахха!

Иоанн 11:4

Иисус, аны истіп, чоохтанған: – Пу ағырығ ӧлімге нимес, че Худайны сабландырып, Худай Оолғының сабланарына пол парды.

Иоанн 12:23

Кізі Оолғының сабланар тузы чит килді, – нандырған оларға Иисус. –

Иоанн 12:28

Пабам! Позыңны сабландыр! Андада тигірдең ӱн истілген: – Сабландырғам, мыннаң мындар даа сабландырарбын.

Иоанн 14:13

Минің ӱгренҷілерім полып, ниме дее сурзаңар, Пабамны Позымнаң хада сабландырар ӱчӱн, Мин аны толдыр турарбын.

Иоанн 16:14

Ол, Минің сӧзімні алып, сірерге читірер. Іди идіп, Мині сабландыр салар.

Иоанн 7:39

Иисус мыны Худай Худынаңар чоохтаан полған. Ол Хутты Иисусха киртінчеткеннер алып алар полғаннар. Ол туста, Иисус сабланғалах полғаннаңар, кізілерде Худай Худы чох полған.

Илҷілернің 2:36

Аннаңар, Израильнің прай чоны, чахсы піл: Худай Аны – сірер хазаан Иисусты – Хан-пиг паза Мессий ит салған.

Илҷілернің 3:13

Авраамнаң Исаактың паза Иаковтың Худайы, пістің пабаларыбыстың Худайы Позының Нымысчызын – сірер садыбысхан паза позыдарға итчеткен Пилаттың кӧзіне постарыңнаң хыйа идібіскен Иисусты – саблаан.

2 Коринфтегілерге 3:18

Піс, тізең, Хан-пигнің сабланызын пӱргелбеен сырайыбыста, кӧріндесте чіли, кӧзітчебіс. Хан-пигнің Худы піске сабланыс пирче. Ол сабланыс пісті, Хан-пиге тӧӧй идіп, алыстырча паза улуғдаң улуғ сабланысха ағылча.

Ефестегілерге 1:12

Худай Позының сабланызын кӧзітсіннер тіп, пісті, Христосха пурнада ізенгеннерні, таллап алған.

Ефестегілерге 2:7

Худай, піске Иисус Христостың пастыра пирген илбек паарсазын паза чахсызын прай килер тустарға кӧзідер ӱчӱн, іди иткен.

Ефестегілерге 3:10

Че амды Ол тигірдегі пастыхтарға паза ӱлгӱдегілерге Позының аллығ, кӱлӱк сағызын тигіриб пастыра ас пирер.

Филипптегілерге 2:11

Ноо даа тіл Иисус Христостың Хан-пигібіс полчатханын чарлазын. Андада Худай Пабабыс сабланар.

1 Петрның 1:21

Аннаң пастыра сірер Худайға киртін парғазар. Худайға киртініс паза ізеніс аларларың ӱчӱн, Худай, Аны тірілдіріп, Ағаа сабланыс пирген.

1 Петрның 2:12

Пасха чонның аразында сірерні чабал кізілер тіп чоохтапчатсалар даа, чахсы ла чӧріңер. Худай оларзар килген туста, тізең, олар, чахсы киректеріңні кӧріп, Худайны саблирлар.

1 Петрның 4:11

Чоохтанарға салылған кізі Худай сӧстерінең чоохтанзын. Полызарға салылған кізі Худай пирчеткен кӱснең тузаланзын. Худай Иисус Христостаң пастыра сабланзын. Худайға хаҷан даа сабланыс паза кӱс ползын! Аминь.