Иоанн 13:21 - Наа Молҷағ

²¹ Мыны чоохтап, Иисус, уғаа чӱрексініп, киречілеен: – Сынны сірерге чоохтапчам, сірернің пірсі Мині садыбызар.

Иоанн 13:21 ပူးပေါင်းရင်းမြစ်များ

Матфей 26:21

Азыранчатханнарында, Иисус чоохтанған: – Сынны сірерге тіпчем, сірернің пірсі Мині садыбызар.

Матфей 26:38

Чобаам сині чох улуғ, ол Мині ӧдір парир. Миннең хада мында халыңар, узубаңар, – теен оларға Иисус.

Марк 14:18

Олар, стол кистіне одырып, азыранчатханнарында, Иисус теен: – Сынны чоохтапчам сірерге, сағам Миннең хада азыранчатхан сірернің пірсі Мині садыбызар.

Марк 3:5

Иисус, улуғ ӧкпеде оларзар кӧрібізіп, тас чӱректіг пол парғаннарына ачырғана, ағырығ кізее теен: – Холың алнынзар сун! Ол кізі холын сунғанда, ағырығ холы, пірсіӧк чіли, хазых пол парған.

Иоанн 11:33

Иисус, Марияның паза хада килген иудейлернің ылғапчатханнарын кӧріп, тың чӱрексіп, айап парған оларға. –

Иоанн 11:35

Иисустың харах частары аххан. –

Иоанн 11:38

Иисус, тізең, уғаа чӱрексіп, хуюзар пас килген. Хуюның ахсын таснаң чаап салған полғаннар. –

Иоанн 12:27

Амды Мин чочыныстығ сағыссырасха пастырчам! Ниме Мин тіп поларбын? «Пабам! Осхыр Мині ӧлер тустаң!» тіп сурыним ма? Че Мин ол тустың ӱчӱн пу чир ӱстӱне килгем.

Иоанн 13:18

Сірернің прайларыңнаңар чоохтабинчам. Мин Позымның таллап алған кізілерімні пілчем. Че «Миннең хада халас чеен кізі Миннең тоғыр парар» тіп, Худай Пічиинде пазылған сӧстернің тол парары ӱчӱн, піди поларға кирек.

Иоанн 13:2

Иирде азыранчатхан тус полған. Сайтан Иуданың, Симон Искариоттың оолғының, чӱреене Иисусты садыбызар сағысты кир салған полған.

Иоанн 13:22

Кемнеңер чоохтапчатханын піл полбин, ӱгренҷілері удур-тӧдір кӧріскеннер.

Илҷілернің 17:16

Оларны Афин саарда сағыпчатхан туста Павел, кізі чайаан худайларның саарға толдыра турғлапчатханнарын кӧріп, тың ачырған парған.

1 Иоанның 2:19

Олар пістің арабыстаң сыхханнар, че пістің киртінгенібіс чіли киртінмин, пісти полбааннар. Пісти полған ползалар, піснең хада халарҷыхтар. Че оларның пістең хыйа парыбысханы пісти нимес полчатханын кӧзітті.