Иоанн 13:19 - Наа Молҷағ

¹⁹ Пу ниме пол парза, «Мин – Минмін» полчатханыма киртінерлерің ӱчӱн, сірерге амды, пу ниме полғалахха, чоохтапчам.

Иоанн 13:19 ပူးပေါင်းရင်းမြစ်များ

Матфей 11:3

Пістің сағыпчатхан кізібіс Синзің ме алай піске пасхазын сағирға кирек пе? – тіп сурар полғаннар олар Аннаң.

Матфей 24:25

Кӧріңер, Мин сірерге азынада чоохтап пирдім.

Лука 21:13

Анзы сірерге Миннеңер чоохтирға пирілген оңдай полар.

Иоанн 1:15

Иоанн, Сӧстеңер киречілеп, хысхырып ала чоохтаан: – «Минің соомҷа Килчеткені, мин тӧреелеккеӧк пар полғаннаңар, миннең илбек» тіп чоохтаам Пу Кізідеңер.

Иоанн 14:29

Полар нимедеңер азынада прай чоохтап пирдім. Полар ниме пол парза, сірер Мағаа киртінерзер тіп, чоохтап пирдім.

Иоанн 16:4

Ол тус читсе, пу нимедеңер сірерге чоохтаанымны сағысха кирерлерің ӱчӱн чоохтадым. Мин, пастап сірернең хада полғанымнаңар, пу нимедеңер чоохтабаан полғам.

Иоанн 4:26

Ол – «Минмін», синнең чоохтасчатхан Кізі, – нандырча Иисус.

Иоанн 8:28

Иисус аннаң андар чоохтаан: – Кізі Оолғын чирдең ӧӧр кӧдіріп, хазап салзаңар, андада «Мин Минмін» тіп піліп аларзар. Мин Позым алынҷа пір дее ниме итпинчем, Пабам ӱгреткен хоостыра чоохтапчам.

Иоанн 8:58

Сынны сірерге чоохтапчам, Авраам тӧреелектӧк, «Мин Минмін» полғам, – нандырған Иисус.