Иоанн 12:6 - Наа Молҷағ

⁶ Ол, чох кізілерге сағыссыраанынаңар нимес, че оғыр полғанынаңар, іди чоохтанған. Ол ахча чығҷаң хапчыхты ал чӧрҷең, андар салған ахчалардаң, тізең, позына удаа ахча алып алҷаң.

Иоанн 12:6 ပူးပေါင်းရင်းမြစ်များ

Матфей 21:13

оларға теен: – Пазылған полған: «Минің храмым пазырҷаң тура тіп адал парар», сірер, тізең, аны тонағҷылар ордазына айландыр салғазар.

Лука 8:3

Иродтың туразынаң устапчатхан Хузаның ипчізі Иоанна даа, Сусанна даа, аннаң даа пасха кӧп ипчілер полғаннар. Олар Иисусха прай пар нимелерінең полыс турғаннар.

Иоанн 10:13

Чалҷы, чалланғаннаңар, хойларға сағыссырабин, тисче.

Иоанн 12:5

Пу миро хайахты ӱс чӱс динарийге садыбызып, ахчаны чох кізілерге ӱлебіспеҷең ме?

Иоанн 13:29

Иудада ахча чығҷаң хапчых полғаннаңар, піреелері Иисус ағаа ӱлӱкӱнге пірее кирек ниме ал пирерге алай чох кізілерге пірее ниме пирерге чахаан полар тіп сағын салғаннар.

1 Коринфтегілерге 6:10

оғырларға даа, азымахчыларға даа, іскіҷілерге дее, чабал чоохтығларға даа, кӱҷӱрлерге дее Худай хан-чирі пирілбес.

Галат чиріндегілерге 2:10

Че пір нимедеңер сурынғаннар: чох-чоостарны ундубаңар. Мин анзын, пір дее хыйыстырбин, толдырарға кӱстенгем.

1 Фессалониктегілерге 5:22

ноо даа чабал нимедең озыңар.

Иаковтың 2:2

Пістің чыылыға алтын пурбалығ, пай тонанған кізі килзе алай уйан кип-азахтығ чох-чоос кірзе,

Иаковтың 2:6

Сірер, тізең, чохты нимее салбин полдар. Пайлар сірерні хыйыхтапча ниместер бе? Сірерні чарғаа тартчатханнар олар ниместер бе?