Иоанн 12:36 - Наа Молҷағ

³⁶ Чарых сірернең хадада, Аның ооллары полар ӱчӱн, Чарыхха киртініңер, – чоохтанып ала, Иисус, хыйа пастырыбызып, чіде халған.

Иоанн 12:36 ပူးပေါင်းရင်းမြစ်များ

Матфей 21:17

Иисус, оларны халғызып, саардаң сығып, Вифаний аалзар парған. Анда хонып алған.

Матфей 5:14

Сірер чир ӱстӱнің чариизар. Тағ пазындағы саар чазын пола чоғыл.

Лука 16:8

Соонаң ол пай кізі киртінҷее чох устағҷызын хыйғазы ӱчӱн махтаптыр. Пу чирдегі кізілер мындағы чуртас киректерінде чарыхтың кізілерінең хай-хай чапчаң сағыстығлар нооза.

Иоанн 1:7

Ол, Чарыхтаңар киречілееніне киртінзіннер тіп, чонға Чарыхтаңар чоохтирға килген.

Иоанн 11:54

Аннаңар Иисус, иудейлернің аразына кірбин, хуу чазының хыриндағы Ефраим саарзар парыбысхан. Анда Позының ӱгренҷілерінең хада халған.

Иоанн 12:37

Иисус кізілернің кӧзіне нинҷе-нинҷе хайхас иткен дее полза, олар Ағаа киртінмееннер.

Иоанн 12:46

Мин Чарыхпын. Мағаа киртінчеткен кізі харасхыда халбазын тіп, чир-чалбахсар килгем.

Иоанн 3:21

Че сын ниме итчеткен кізі, Худайның полызиинаң итчеткенінеңер, чахсы нимелер іле ползын тіп, Чарыхха сығадыр.

Иоанн 8:12

Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.

Иоанн 8:59

Андада иудейлер, Иисусты чоо чаалап саларға тіп, тастар хапханнар. Че Ол, чазыныбызып, храмнаң сыға халған. Кізілер аразынҷа иртіп, аннаң андар парыбысхан.

Ефестегілерге 5:8

Сірер хаҷан-да харасхы полғазар, амды, тізең, Хан-пигібіснең хадада, сірер – чарыхсар. Аннаңар чарыхтың палалары чіли чуртаңар.

1 Фессалониктегілерге 5:5

Прайзыңар сірер чарыхтың паза кӱннің палаларызар – піс тӱн харааның даа, харасхының даа палалары нимеспіс нооза.

1 Фессалониктегілерге 5:8

Піс, тізең, кӱн-чарыхтың оолларыбыс. Аннаңар піс, киртініс паза хыныс хуйағынаң чабынып, арачыланысха ізеністің пӧриин кизіп алып, сах чӧрееңер.