Иоанн 12:34 - Наа Молҷағ

³⁴ Моисей Чахиинаң Мессий-Христос хаҷан даа ӧлбес тіп искебіс. Ноға син Кізі Оолғын ӧӧрледібізерге кирек тіпчезің? Кемдір Ол, Кізі Оолғы? – чоохтанған Ағаа чон. –

Иоанн 12:34 ပူးပေါင်းရင်းမြစ်များ

Матфей 16:13

Филипптің Кесар тіп саарның чирлерінзер киліп, Иисус Позының ӱгренҷілерінең сурған: – Кізілер Мині, Кізі Оолғын, кемге санапчалар? –

Матфей 21:10

Ол Иерусалимзер кіргенде, саардағылар прайзы хорылыс сыхханнар. – Кемдір пу? – тіп сурастырғлааннар.

Матфей 8:20

Андада Иисус ағаа піди тіпче: – Тӱлгӱлернің іннері пар, тигірдегі хустарның – уйалары, че Кізі Оолғының, пазын хыйын салып, тынанып алҷаң орны чоғыл.

Иоанн 10:34

Сірернің Чахииңарда Худайның «Мин чоохтаам, сірер худайзар» теен сӧстері пазылған нимес пе? – нандырған Иисус. –

Иоанн 12:32

Хаҷан Мині чирдең ӧӧрледібісселер, прайзын Позымның соомҷа пардырарбын, – нандырған ол нимее Иисус.

Иоанн 15:25

Оларның Чахиинда «Мині тиктең не хырт кӧрчелер» тіп пазылған сӧстерінің тол парары ӱчӱн, іди пол парарға кирек.

Иоанн 8:28

Иисус аннаң андар чоохтаан: – Кізі Оолғын чирдең ӧӧр кӧдіріп, хазап салзаңар, андада «Мин Минмін» тіп піліп аларзар. Мин Позым алынҷа пір дее ниме итпинчем, Пабам ӱгреткен хоостыра чоохтапчам.

Римдегілерге 3:19

Піс пілчебіс, Худай Чахии чахығ хоостыра чуртапчатханнарға тееліп, пірдеезін удур чоохтандырбинча. Іди тилекей чоны Худайның алнында пыролығ пол парча.

Римдегілерге 5:18

Ол оңдайнаң пір кізінің сайбағ иткені прай кізілерні чарғылапча. Сах ідӧк пір кізінің сын иткені прай кізілерні Худайның алнында ахтап, оларға чуртас пирер.

Еврейлерге 7:24

Че Иисус саңайға абысха турғызыл парған. Аның абыс полары тӱгенмес.