Иоанн 12:25 - Наа Молҷағ

²⁵ Позының тынына хынчатхан кізі аны чідір салар, че позының тынын пу чир ӱстӱнде хырт кӧрчеткен кізі мӧгі чуртастығ полар.

Иоанн 12:25 ပူးပေါင်းရင်းမြစ်များ

Матфей 10:39

Кем позының тынын ал халарға кӱстенер, ол аны чідірер, кем Миннең ӱчӱн позының тынын чідірер, ол аны ал халар. –

Матфей 16:25

Кем позының тынын ал халарға итче, ол аны чідір салар, че кем позының тынын Минің ӱчӱн чідір салар, ол аны алып алар.

Матфей 19:29

Полғаны ла, кем Минің ӱчӱн иблерін, харындастарын алай пиҷелерін, пабазын алай іҷезін, ипчізін алай палаларын, алай чирлерін артыс салған, ол кізі чӱс хати артых сыйых алар паза ағаа мӧгі чуртас пирілер.

Марк 8:35

Кем позының тынын ал халарға итче, ол аны чідір салар. Кем тынын Минің паза Чахсы Хабарның ӱчӱн салар, ол аны ал халар.

Лука 14:26

Кем, Минзер киліп, Мағаа паба-іҷезіне, ипчізінең палаларына, харындастарынаң пиҷелеріне, позының даа тынына хынғаннаң артых хынмаза, ағаа Минің ӱгренҷім поларға киліспинче.

Лука 17:33

Позының тынын ал халарға кӱстенген кізі тыны чох халар, че позының тынын чідірген кізі, тынын хайраллап халар.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

Илҷілернің 21:13

Че Павел, піске нандырып, теен: – Ниме итчезер сірер? Ноға ылғап, чӱреемні хомзындырчазар? Мин Иерусалимде харибге ле кірерге нимес, че Иисус Хан-пигібістің ады ӱчӱн ӧл парарға даа тимдебін.

Еврейлерге 11:35

Ипчілер Худайға киртін парып, ӧл парған туған-чағыннарын тіріг айландырып алҷаңнар. Пасхалары, постарын харибдең позыдарынаң тоғыр саап, ирееледіп, тоозылғаннар. Олар, артых чуртасха тірілдірерлеріне ізеніп, іди иткеннер.

Азых чоох 12:11

Олар сайтанны Хурағанның ханынаң паза постарының киречіленіс сӧзінең чиңіп алғаннар. Олар постарының тыннарын даа айабааннар, ӧлімнең дее тиспееннер.