Иоанн 12:2 - Наа Молҷағ

² Иирде Иисусха чіҷең ниме тимнеп пиргеннер. Лазарь Иисуснаң паза пасха даа аалҷыларынаң хада стол кистінде одырған. Марфа, тізең, оларға чіҷең ниме пиріп, хайынған.

Иоанн 12:2 ပူးပေါင်းရင်းမြစ်များ

Матфей 26:6

Вифаний аалда Иисус хаҷан-да ходыр чызығ палығлығ Симонның туразында полғанда,

Марк 14:3

Иисус Вифанийде чызығ палығлығ Симон тіп аттығ кізінің туразында стол кистінде одырғанында, андар алавастр ідіс тудына пір ипчі кір килген. Ідізінде аның нард ӧзімінең сығарған аарлығ миро хайах полған. Ипчі, ідістің ахсын талап, Иисуссар пас киліп, хайахты пазына урған.

Лука 12:37

Часкалығлар нымысчылар, хаҷан, ээзі нандыра айланып, оларның узубинчатханнарын кӧрзе. Сынны чоохтапчам сірерге, ол пай кізі, хурын хурчанып, нымысчыларын стол кистіне одыртып, оларның алнында хайынар.

Лука 14:12

Анаң Иисус Позын хығырған кізее теен: – Син, кӱнӧрте алай иирде чиис идіп алып, арғыстарыңны, харындастарыңны, туғаннарыңны алай пик чуртапчатхан хонҷыхтарыңны хығырба. Хығырзаң, олар даа сині хығырарлар, андада ӧдісті нандыр пирген чіли пол парар.

Лука 22:27

Хайзы улуғ: стол кистінде одырчатханы ба алай аның ибіре хайын чӧрчеткені бе? Стол кистінде одырчатханы нимес пе зе? Мин, тізең, сірернің араңарда нымысчы осхаспын.

Лука 5:29

Иисусты ибінзер хығырып, Левий улуғ той идібіскен. Анда албан чығҷаңнар даа, пасха даа кізілер кӧп полғаннар.

Азых чоох 3:20

Мына Мин, ізік алнында турып, тохлатчам. Кем, ӱнімні ис салып, ізік ас пирер, Мин, андар кіріп, аннаң хада азыранарбын, ол даа Миннең хада азыранар.