Иоанн 12:16 - Наа Молҷағ

¹⁶ Пастап ӱгренҷілері, ниме полчатханын піл полбааннар, че соонаң, Иисус, тіріліп, сабланызына читкенде ле, Иисустаңар пазылған нимені паза ол сӧстернің толғанын сағысха киргеннер.

Иоанн 12:16 ပူးပေါင်းရင်းမြစ်များ

Марк 16:19

Іди Хан-пиг пуларнаң чоохтасхан соонда, ӧӧрлебізіп, Худайның оң саринда одыр салған.

Марк 9:32

Че ӱгренҷілері Аны оңар полбааннар, сурарға, тізең, тідінмееннер.

Лука 18:34

Че ӱгренҷілері ол нимелернің пірдеезін піл полбааннар; пу сӧстер пілдізі чох полған оларға, чоохтаан нимені, тізең, оңар полбааннар.

Лука 24:25

Андада Иисус оларға теен: – О, сағыс читпестер, ухаанҷылар чоохтаан прай нимее киртін пілбес чӱректіглер!

Лука 24:45

Анаң Худай Пічиинде пазылған нимелердеңер оңарылдыра чарыт пиріп,

Лука 9:45

Че ӱгренҷілері Аны оңар полбааннар, Аның чазыт сағызы пілдістіг нимес полған. Иисустаң сурарға, тізең, тідінмееннер.

Иоанн 12:23

Кізі Оолғының сабланар тузы чит килді, – нандырған оларға Иисус. –

Иоанн 14:26

Пабам Худай Худын – Турысчыны – Минің орныма сірерзер ызар. Ол сірерні прай нимее ӱгрет салар, прай чоохтаан нимелерімні сағысха кирдірер.

Иоанн 16:4

Ол тус читсе, пу нимедеңер сірерге чоохтаанымны сағысха кирерлерің ӱчӱн чоохтадым. Мин, пастап сірернең хада полғанымнаңар, пу нимедеңер чоохтабаан полғам.

Иоанн 17:5

Амды Син, Пабам, сабланызыңнаң Мині сабландыр. Ол сабланыс, чир ӱстӱ чайалғалахтох, Синнең хада полғанымдох, Мини полған.

Иоанн 2:22

Ол ӧлімнең тіріл килген соонда, ӱгренҷілері, Аның храмнаңар чоохтаанын сағысха киріп, Худай Пічиине паза Иисустың чоохтаан чооғына киртінгеннер.

Иоанн 7:39

Иисус мыны Худай Худынаңар чоохтаан полған. Ол Хутты Иисусха киртінчеткеннер алып алар полғаннар. Ол туста, Иисус сабланғалах полғаннаңар, кізілерде Худай Худы чох полған.

Илҷілернің 2:33

Ол, Худайның оң саринзар кӧдіріліп, пирерге адалған Худай Худын, Пабазынаң алып, амды, сірер кӧргенни паза искенни, ӱстӱбіске чайыбысты.

Илҷілернің 2:36

Аннаңар, Израильнің прай чоны, чахсы піл: Худай Аны – сірер хазаан Иисусты – Хан-пиг паза Мессий ит салған.

Илҷілернің 3:13

Авраамнаң Исаактың паза Иаковтың Худайы, пістің пабаларыбыстың Худайы Позының Нымысчызын – сірер садыбысхан паза позыдарға итчеткен Пилаттың кӧзіне постарыңнаң хыйа идібіскен Иисусты – саблаан.

Еврейлерге 12:2

Иисусха кӧрееңер. Ол пістің киртінізібісті пастабызып, аны толдыра итче. Аны сағыпчатхан ӧріністі Иисус пілген. Че пастап, Ол уйаттаң хорыхпин, кіресте ирее кӧрген. Амды, тізең, Ол Худайның оң саринда одырча.

Еврейлерге 8:1

Піс чоохтапчатхан нименің ӧӧні мындағ: тигірде Илбек Худайның оң саринда одырчатхан иң улуғ абызыбыс пар.