Иоанн 11:33 - Наа Молҷағ

³³ Иисус, Марияның паза хада килген иудейлернің ылғапчатханнарын кӧріп, тың чӱрексіп, айап парған оларға. –

Иоанн 11:33 ပူးပေါင်းရင်းမြစ်များ

Марк 3:5

Иисус, улуғ ӧкпеде оларзар кӧрібізіп, тас чӱректіг пол парғаннарына ачырғана, ағырығ кізее теен: – Холың алнынзар сун! Ол кізі холын сунғанда, ағырығ холы, пірсіӧк чіли, хазых пол парған.

Марк 9:19

Ағаа нандырып, Иисус теен: – Йо-о, пу киртізі чох тӧлні! Нинҷезін Мин сірернең хада поларбын? Хаҷанға теере сірернең сыдазим? Ағылыңар аны Минзер.

Иоанн 11:19

Харындазы ӱрееннеңер, Марфанаң Марияны часхарарға иудейлердең илееде кізі килген.

Иоанн 11:31

Турада Марияны часхарчатхан иудейлер, аның, тура хонып, сых парыбысханын кӧргеннер. Олар, Мария хуюда ылғирға итче полар тіп сағынып, аның соонҷа парғаннар.

Иоанн 11:34

Сірер аны хайда чаттыр салғазар? – сурған Иисус. – Пигібіс, парып, кӧріп ал, – нандырғаннар кізілер.

Иоанн 11:35

Иисустың харах частары аххан. –

Иоанн 11:38

Иисус, тізең, уғаа чӱрексіп, хуюзар пас килген. Хуюның ахсын таснаң чаап салған полғаннар. –

Иоанн 12:27

Амды Мин чочыныстығ сағыссырасха пастырчам! Ниме Мин тіп поларбын? «Пабам! Осхыр Мині ӧлер тустаң!» тіп сурыним ма? Че Мин ол тустың ӱчӱн пу чир ӱстӱне килгем.

Иоанн 13:21

Мыны чоохтап, Иисус, уғаа чӱрексініп, киречілеен: – Сынны сірерге чоохтапчам, сірернің пірсі Мині садыбызар.

Римдегілерге 12:15

Ӧрінчеткеннернең хада ӧрініңер. Ылғапчатханнарнаң хада ылғаңар.

Еврейлерге 4:15

Читпестерібіске чӱрексібес иң улуғ абыс нимес ол. Пістің прайзыбызох чіли, Ол сынатхан, че чазыхха кірбеен.