Иоанн 11:25 - Наа Молҷағ

²⁵ Мин ӱрееннерні тірілдірчем паза чуртас Ээзі полчам. Мағаа киртінчеткен кізі, ӱреп тее парза, чуртир.

Иоанн 11:25 ပူးပေါင်းရင်းမြစ်များ

Лука 23:43

Сынны сағаа чоохтапчам, син пӱӱнӧк Миннең хада Худай садында поларзың, – нандырған ағаа Иисус.

Иоанн 1:4

Сӧсте чуртас полған, чуртас, тізең, кізілернің чарии полған.

Иоанн 14:19

Тӱрче полза, чир-чалбах Мині паза кӧрбес, че сірер, тізең, Минің чуртапчатханым ӱчӱн, паза постарың чуртапчатханнарың ӱчӱн, Мині кӧрерзер.

Иоанн 14:6

Чол, Сын паза чуртас – Минмін. Мағаа киртінчеткен кізі ле Пабамзар пар полар, Мин чох пірдеезі пар полбас.

Иоанн 3:16

Худай, прай кізілерге тың хынғаннаңар, Позының чалғыс Оолғын даа ӧлімге ысхан. Іди ызып, Оолғына киртінчеткен полған на кізее ӧлбеске, мӧгі чуртастығ поларға оңдай пирген.

Иоанн 3:36

Худайның Оолғына киртінчеткен кізінің мӧгі чуртазы пар; Худайның Оолғына киртінминчеткен кізінің, тізең, андағ чуртазы чоғыл, че Худайның хатығланғаны ағаа чидер.

Иоанн 5:21

Хайди Пабазы ӧліглерге, тірілдіріп, чуртас пирче, Оолғы даа, кемге пирерге хынза, ағаа чуртас пирче.

Иоанн 5:26

Хайди Пабазы Позы чуртастың хара-суу полча, Оолғына даа Позына чуртастың хара-суу поларға оңдай пирген.

Иоанн 6:35

Мин чуртас пирчеткен халаспын. Минзер килчеткен кізінің хаҷан даа азыранары килбес паза Мағаа киртінчеткен кізі хаҷан даа сухсабас.

Иоанн 6:44

Мині ысхан Пабам пірее кізіні мағаа чағдатпаза, ол кізі мағаа чағын кір полбас. Минзер килген кізіні, тізең, тӱгенҷі кӱнде тірілдірербін.

Илҷілернің 3:15

Чуртастың Пастығын, тізең, ӧдір салғазар. Худай Аны ӧліглер аразынаң тірілдірген, анзына піс киречілербіс.

Римдегілерге 4:17

Худай Пічиинде ідӧк пазылых: «Мин сині кӧп чоннарның адазы ит салғам». Авраам ӧліглерні тірілдірчеткен паза чох нимені пар итчеткен Худайға киртін парғаннаңар, Худайның кӧрізінде пістің пабабыс полыбысхан.

Римдегілерге 8:2

Христос Иисустың пастыра чуртасты пирчеткен Худай Худының чахии мині чазыхтың паза ӧлімнің ӱлгӱзінең позытхан.

1 Коринфтегілерге 15:18

Христосха киртініп ӧлгеннері дее чох пол парғаннар.

1 Коринфтегілерге 15:29

Ӧліглернің орнына кіреске тӱсчеткен кізілер нимее чидерге сағынча полҷаңнар? Ӧліглер тірілбинче тіпчеткеннері сын полза, нимее олар ӧліглернің орнына кіреске тӱсче полҷаңнар?

2 Коринфтегілерге 4:14

Хан-пигібіс Иисусты тірілдірген Худай Иисустың пастыра пісті дее тірілдірерін пілчебіс. Андада Ол пісті сірернең хада Позының алнында турғыс салар.

Филипптегілерге 1:23

Анзы даа, мынзы даа кӧңнімні тартча. Минің, пу ах-чарыхтаң парыбызып, Христоснаң хада поларым килче: анзы хай-хай артых нооза.

Филипптегілерге 3:10

Ана іди Иисусты паза Аны тірілдірген кӱсті пілерім. Аның ирееленістерінде хада аралазып, Олох чіли ӧл парарым.

1 Фессалониктегілерге 4:14

Піс Иисус, ӧліп, тірілгеніне киртінчетсебіс, піс, Ол хатап айланза, Худай Анынаң хада Иисусха киртініп ӱрееннерні ағыларына ідӧк киртінерге кирекпіс.

Азых чоох 1:18

Мин тірігбін! Мин ӧліг полғам, амды, тізең, хаҷан даа тірігбін. Аминь. Минде чир тӱбінің паза ӧлімнің клӱстері пар.

Азых чоох 20:5

Ӧліглернің пасхалары, тізең, пір муң чыл иртпеенде, тірілбееннер. Мынзы, тізең, пастағы тіріліс.

Азых чоох 21:4

Худай оларның полған на харах чазын чызыбызар. Алындағы прай нимелер ирт парғаннаңар, ӧлім дее, ылғас таа, сыхтас таа паза ағырығлар даа чох пол парарлар.

Азых чоох 22:1

Анаң ангел мағаа Худайның паза Хурағанның ӱлгӱ сіреезінең ахчатхан, кристалл осхас чарых, чуртастың арығ ағын суун кӧзіт пирген.

Азых чоох 22:17

Худай Худы паза ирге парчатхан хыс тіпчелер: – Кил! Мыны искен кізі, ідӧк тізін: – Кил! Сухсапчатхан кізі килзін. Ізері килчеткен кізі чуртас пирчеткен суғны тикке алзын!