Иоанн 10:4 - Наа Молҷағ

⁴ Ол, хойларын сығарып, алнында парча. Хойлар, аның ӱнін таныпчатханнаңар, соонҷа парчалар.

Иоанн 10:4 ပူးပေါင်းရင်းမြစ်များ

Матфей 16:24

Андада Иисус Позының ӱгренҷілеріне чоохтанған: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Иоанн 10:16

Минің пасха даа хойларым пар, олар пу хазаадаң ниместер. Оларны даа пеер ағыл килерге кирекпін. Олар даа Минің ӱнімні истерлер. Андада пір ӧӧр паза пір Хадарҷы полар.

Иоанн 10:27

Хойларым ӱнімні исчелер, Мин дее оларны пілчем, олар Минің соомҷа парчалар.

Иоанн 10:3

Ағаа хадағҷы ізік ас пирче. Хойлар аның ӱнін исчелер, ол, хойларны аттарынаң адап, сығарча.

Иоанн 10:5

Пасха кізінің ӱнін таныбинчатханнаңар, ол кізінің соонҷа парбин, аннаң тисчелер.

Иоанн 10:8

Минің алнымда килгеннернің прайзы – оғырлар паза тонағҷылар. Хойлар оларның чоохтарын испееннер.

Иоанн 12:26

Минің нымызыма чӧрчеткен кізі Минің соомҷа парзын! Мин хайдабын, ол андох полар. Минің нымызыма чӧрчеткен кізіні Пабам улуғлир.

Иоанн 13:15

Мин сірерге кӧзіт пирдім, амды сірер дее, Мин иткен чіли, ит турыңар.

Иоанн 18:37

Андағда син ханзың, андағ нимес пе? – сурған Пилат. – Син Мині «Хан» тідің. Мин кізілерні сын ӱгредігнең таныстырарға тӧреем, пу нименің ӱчӱн чир-чалбахсар килгем. Сын ӱгредігні пілчеткен полған на кізі Минің ӱнімні исче, – нандырған Иисус. –

Иоанн 3:29

Хоных хончатхан оол тойның ӧӧн кізізі полча, арғызы, тізең, хости турып, аны исчеткеніне ӧрінче. Мин дее іди ӧрінчем.

1 Коринфтегілерге 11:1

Мин Христосха кӧӧкчеткенни, мағаа кӧӧгіңер.

Ефестегілерге 5:1

Сірер Худайның хынчатхан палалары полчазар, аннаңар Ағаа тӧӧй поларға кӱстеніңер.

Еврейлерге 12:2

Иисусха кӧрееңер. Ол пістің киртінізібісті пастабызып, аны толдыра итче. Аны сағыпчатхан ӧріністі Иисус пілген. Че пастап, Ол уйаттаң хорыхпин, кіресте ирее кӧрген. Амды, тізең, Ол Худайның оң саринда одырча.

Еврейлерге 6:20

Иисус, піске чол азып, андар кірген. Ол, Мелхиседек осхас, тӱгенмес тустарға иң улуғ абыс полыбысхан.

1 Петрның 2:21

Худай сірерні іди поларға хығыртхан. Христос сірернің ӱчӱн ирее кӧріп, Позы сірерге кӧзідім полған нооза. Сірер дее Аның чолынҷа парыңар.

1 Петрның 4:1

Христос пістің ӱчӱн иді-ханын иреелеткен. Сірер дее олох пӧгіннең тирін салыңар. Иді-ханын иреелетчеткен кізі чазых идерін тохтатча нооза.

1 Петрның 5:3

Худайның ӱлӱзін ээленмеңер. Постың ӧӧріне кӧзідім полыңар.