Иоанн 10:27 - Наа Молҷағ

²⁷ Хойларым ӱнімні исчелер, Мин дее оларны пілчем, олар Минің соомҷа парчалар.

Иоанн 10:27 ပူးပေါင်းရင်းမြစ်များ

Матфей 16:24

Андада Иисус Позының ӱгренҷілеріне чоохтанған: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Матфей 17:5

Ол іди чоохтанчатхан арада, оларның ӱстӱнде чарыпчатхан пулут сых килген, анаң пулуттаң ӱн истілген: – Пу Минің хынчатхан Оолғым, Ол Минің кӧңніме тың кірче. Истіңер Аны!

Матфей 25:12

«Сынны тіпчем сірерге, Мин сірерні пілбинчем» тіп нандырған оларға ипчі алчатхан оол.

Матфей 7:23

Андада Мин оларға піди нандырарбын: «Мин сірерні хаҷан даа пілбеем. Хыйа парыңар Миннең, Худайҷа полбин, саба итчеткеннер!» –

Марк 10:21

Иисус, ол кізізер кӧрібізіп, аны чӱрекке алынып, теен ағаа: – Пір ниме сағаа читпинче: парып, прай пар-чох нимеңні садыбыс, ахчаңны чох кізілерге ӱлебіс, андада пайың тигірде полар. Анаң Минзер киліп, кірезің алып, соомҷа пар.

Марк 8:34

Анаң, чонны паза ӱгренҷілерін Позынзар хығырып, теен: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Лука 13:27

Че Ол сірерге нандырар: «Тіпчем сірерге, хайдаң килгеннеріңні пілбинчем. Саба итчеткеннернің прайзы хыйа парыңар Миннең».

Лука 9:23

Анаң Иисус прайзына теен: – Кем Минің соомҷа парарға итче, ол позынаңар ундут салзын, кірезін алып, Минің соомҷа парзын.

Иоанн 10:14

Мин чахсы хадарҷыбын, позымның хойларымны пілчем, олар, тізең, Мині пілчелер.

Иоанн 10:16

Минің пасха даа хойларым пар, олар пу хазаадаң ниместер. Оларны даа пеер ағыл килерге кирекпін. Олар даа Минің ӱнімні истерлер. Андада пір ӧӧр паза пір Хадарҷы полар.

Иоанн 10:8

Минің алнымда килгеннернің прайзы – оғырлар паза тонағҷылар. Хойлар оларның чоохтарын испееннер.

Иоанн 12:26

Минің нымызыма чӧрчеткен кізі Минің соомҷа парзын! Мин хайдабын, ол андох полар. Минің нымызыма чӧрчеткен кізіні Пабам улуғлир.

Иоанн 21:22

Мин аны, Позым хатап килгенҷе, чуртадарға хынчатхан ползам даа, синің анда ноо киреең? Син Минің соомҷа пар, – нандырған Иисус.

Иоанн 5:25

Сынны сірерге чоохтапчам, ӧліглернің Худай Оолғының ӱнін исчең, паза, аны истіп, тіріл килҷең тус чағдап одыр, ол чит тее килді полар.

Иоанн 8:12

Иисус пазох кізілерге чоохтанған: – Мин чир ӱстӱнің Чарии полчам. Минің ӱгредиимҷе чуртапчатхан кізі харасхыда чӧрбес, аның чуртас пирчеткен Чарии пар полар.

Иоанн 8:43

Мин чоохтапчатхан нимені ноға піл полбинчазар? Сірер, Мин чоохтаан нимені истерге сыдап полбинчатханнаңар, піл полбинчазар.

Илҷілернің 3:23

Ол Ухаанҷының чооғын испеен полған на кізі, чоннаң сӱрдіріп, чох иділер».

1 Коринфтегілерге 8:3

Че кем Худайға хынча, ағаа Аннаң піліс пирілче.

Галат чиріндегілерге 4:9

Амды Худайны піліп алғазар, алай аннаң артых чоохтаза, Худай сірерні піліп алғанда, ноға хатап пу тилекейнің чазығ, уйан кӱстеріне айланчазар паза постарыңны ағаа хул идін саларға сағынчазар.

2 Тимофейге 2:19

Че тӧзінде салылған Худай тазында мындағ таңма: «Хан Худай Позының чонын пілче» паза «Хан Худайның адын алынған кізінің полғаны ла чой киректең тӧдір пассын».

Еврейлерге 3:7

Аннаңар Худай Худы піди тіпче: «Пӱӱн Худайның ӱнін исчетсеңер,

Азых чоох 14:4

Олар постарының чуртастарында, ипчілернең чӧрбин, арығ чуртааннар. Олар, Хураған хайдар парза, андар Аның соонҷа чӧргеннер, Худайның паза Хурағанның тун палалары полып, чирдең толығ тӧлеп алылғаннар.

Азых чоох 3:20

Мына Мин, ізік алнында турып, тохлатчам. Кем, ӱнімні ис салып, ізік ас пирер, Мин, андар кіріп, аннаң хада азыранарбын, ол даа Миннең хада азыранар.