Иоанн 10:12 - Наа Молҷағ

¹² Чалҷы алай хадарҷы полбинчатхан кізі, хойларның ээзі ниместеңер, пӱӱрнің килчеткенін кӧр салза, хойларны тастап, тизібісче. Пӱӱр хойларны, хаап, хуйдыр салча.

Иоанн 10:12 ပူးပေါင်းရင်းမြစ်များ

Матфей 10:16

Мин сірерні, хойларны чіли, пӱӱрлер аразынзар ысчам. Чылан осхас хыйға полыңар, иб тахырахтары осхас пырозы чох полыңар.

Матфей 7:15

Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!

Иоанн 10:13

Чалҷы, чалланғаннаңар, хойларға сағыссырабин, тисче.

Иоанн 10:2

Ізіктең кірчеткені, тізең, хой хадарчатхан кізі полча.

Иоанн 10:3

Ағаа хадағҷы ізік ас пирче. Хойлар аның ӱнін исчелер, ол, хойларны аттарынаң адап, сығарча.

Илҷілернің 20:29

Минің соомда сірерзер ӧӧрні айабас чап пӱӱрлер килерлерін пілчем нооза.

1 Тимофейге 3:3

ізеечі нимес, холын пос салбас, тімелбес, чаптанмас, че амыр, тартыспас, ахчаа чабдыланмас поларға кирек.

1 Тимофейге 3:8

Полысчы даа аарлатчатхан, сын чоохтығ, арағаа сабылбас, чаптанмас,

2 Тимофейге 4:10

Димас, пу чуртасха хынығып, мині тастап, Фессалоник саарзар парыбысты, Крискент – Галат чирінзер, Тит – Далмат чирінзер, чалғыс Лука ла миннең хада.

Титке 1:7

Тигірибнің устағҷызы, Худай ибінің пӱдірігҷізі полчатханнаңар, пырозы чох поларға кирек. Хазыр нимес, табырах ӧкпеліг нимес, ізеечі нимес, кізее хол теертпес, чабды нимес,

1 Петрның 5:2

Худайның ӧӧрін хадарыңар. Олардаңар, ирік чохтаң на нимес, пос кӧңнінҷе Худай хынар иде сағыссыраңар. Анзын, посха хараспин, хынып идіңер.

2 Петрның 2:3

Хыҷыхтарын хандырар ӱчӱн, ол чой ӱгретчілер сірердең парыстанып, постары сағын тапхан чой ниме чоохтирлар. Оларға чарғы сығарыл парған. Оларның ӧлерлері чағын.