Иоанн 1:50 - Наа Молҷағ

⁵⁰ Мин, сині смоковница ағазының хыринда кӧргем тіп, чоохтаанымнаңар, син киртінчезің. Син аннаң даа артых ниме кӧрерзің, – нандырған Иисус.

Иоанн 1:50 ပူးပေါင်းရင်းမြစ်များ

Матфей 13:12

Кемнің пар, ағаа хоза пирілер. Ани уламох кӧп полар. Кемнің чоғыл, аның пар даа нимезін алып аларлар.

Матфей 21:19

Анаң чол хазында пір смоковница ағазын кӧр салып, андар пастыр килген. Че анда пӱрлердең пасха пір дее ниме таппин, ағаа чоохтанған: – Синде чистек паза пір дее ӧспезін. Сах андох смоковница ағазы хуруп парған.

Матфей 25:29

Ниме-ноозы пар полған на кізіни хозылып одырар, че ниме-ноозы чох кізі пар даа нимезін пыластырар.

Лука 1:45

Хан Худайның чоохтаан сӧзінің тол парарына киртінчезің, аннаңар син часкалығзың.

Лука 7:9

Аны истіп, Иисус хайхап парып, соонҷа килчеткен чонға чоохтанған: – Тіпчем сірерге, мындағ киртіністі Мин Израильде дее кӧрбеем.

Иоанн 1:49

Ӱгретчі! Син – Худай Оолғызың, Син – Израиль Ханызың! – хысхырған Нафанаил. –

Иоанн 1:51

Аннаң андар хосхан: – Сынны чоохтапчам сірерге, пу тустаң сығара тигірнің азылчатханын паза Худай ангеллерінің, Кізі Оолғынзар тӱзіп, нандыра тигірзер ӧӧрлепчеткеннерін кӧрерзер.

Иоанн 11:40

Тібедім ме сағаа: «Киртінзең, Худайның сабланызын кӧрерзің», – чоохтанған Иисус.

Иоанн 20:29

Син, Мині кӧріп, киртіндің ме? Че, Мині кӧрбин, киртінчеткеннері часкалығлар, – теен Иисус.