Иоанн 1:49 - Наа Молҷағ

⁴⁹ Ӱгретчі! Син – Худай Оолғызың, Син – Израиль Ханызың! – хысхырған Нафанаил. –

Иоанн 1:49 ပူးပေါင်းရင်းမြစ်များ

Матфей 14:33

Кимеде одырғаннар, Иисуссар пас киліп, мӧкейіп пазырып чоохтанғаннар: – Син сынап таа Худай Оолғы полтырзың.

Матфей 2:2

Иудей ханы поларға тӧреен Пала хайдадыр? Піс, іскеркіде Аның чылтызын кӧр салып, Ағаа пазырарға килдібіс.

Матфей 21:5

«Чоохтап пиріңер Иерусалимге: „Мына чиит эштек палалығ тізі эштекке мӱніп алып, синің амыр хылыхтығ ханың киліп одыр“».

Матфей 23:7

Орыхта алай чон кӧп чирлерде, олар кізілерге улуғлап удурладарға паза «Ӱгретчі! Ӱгретчі!» тіп адаттырарға хынадырлар.

Матфей 23:8

Сірернің пір ле Ӱгретчі – Мессий-Христос, сірер, тізең, прайзыңар харындастарзар, аннаңар постарыңны ӱгретчее санабаңар.

Матфей 27:11

Ол туста Иисус сурағ апарчатхан пастыхтың алнында турған. – Синзің ме, Иудей ханы? – сурған Иисустаң ол. – Син тідің аны, – теен ағаа Иисус.

Матфей 27:42

Пасхаларын арачылаан, позын, тізең, арачылап полбинча! Ол Израиль ханы полчатса, сағамох кірестең тӱссін. Андада ағаа киртінербіс.

Матфей 4:3

Анаң, Аныңзар хыҷыхтандырҷаң сайтан киліп, теен: – Син сынап Худай Оолғы полчатсаң, пу тастар халасха айлан парзыннар тіп чоохтан.

Марк 15:32

Израиль ханы Мессий-Христос ам кірестең позып алзын. Андада, аны кӧріп, ағаа киртінербіс піс. Хада хазалған сайбағҷылар даа Аны сӧклееннерӧк.

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Лука 19:38

Хан Худайның адынаң Килчеткенге алғас ползын! Тигірде амыр хоных паза Худайға сабланыс ползын!

Иоанн 1:18

Худайны пір дее кізі хаҷан даа кӧрбеен. Пабазының иң чағыны, чалғыс Оолғы ла, кӧріп, Аннаңар піске, прай чоллап, искір пирген.

Иоанн 1:34

Мин, Худай Худының тӱсчеткенін кӧріп, Аның Худай Оолғы полчатханын киречілеем.

Иоанн 1:38

Иисус, хайбағынып, Позының соонҷа килчеткеннерні кӧр салып, сурған: – Ниме кирек сірерге? – Равви (пу «Ӱгретчі» теені полча), Син хайда чуртапчазың? – сурғаннар олар. –

Иоанн 1:50

Мин, сині смоковница ағазының хыринда кӧргем тіп, чоохтаанымнаңар, син киртінчезің. Син аннаң даа артых ниме кӧрерзің, – нандырған Иисус.

Иоанн 18:37

Андағда син ханзың, андағ нимес пе? – сурған Пилат. – Син Мині «Хан» тідің. Мин кізілерні сын ӱгредігнең таныстырарға тӧреем, пу нименің ӱчӱн чир-чалбахсар килгем. Сын ӱгредігні пілчеткен полған на кізі Минің ӱнімні исче, – нандырған Иисус. –

Иоанн 4:31

Ӱгренҷілері, тізең, ипчі саарзар парыбысхан туста Иисустаң сурынғаннар: – Ӱгретчі, азыранып ал. –