Иоанн 1:29 - Наа Молҷағ

²⁹ Пазағы кӱнде Иоанн, позынзар килчеткен Иисусты кӧр салып, кізілерге теен: – Мына Худай Хурағаны. Чир ӱстӱндегі прай кізілернің чазыхтарын Позына алып алчатхан Хураған.

Иоанн 1:29 ပူးပေါင်းရင်းမြစ်များ

Матфей 1:21

Мария Оол тӧрідер. Ол Позының чонын чазыхтардаң арачылир, аннаңар Аны Иисус тіп адап саларзың.

Матфей 20:28

Кізі Оолғы даа кізілерні Позының алны-кистіне чӧргізерге нимес, че пасхаларына нымысха чӧріп, кӧп кізінің ӱчӱн толығ полып, Позының тынын пирібізерге килген.

Иоанн 1:35

Пазағы кӱнде Иоанн ікі ӱгренҷізінең хада олох орында турған.

Иоанн 1:36

Ирт париған Иисусты кӧріп, Иоанн теен: – Мына Худай Хурағаны.

Иоанн 1:43

Пазағы кӱнде Иисус Галилей чирінзер парарға сағыныбысхан. Ол, Филиппке тоғазып, теен: – Минің соомҷа пар.

Иоанн 2:1

Ікі кӱн пазынаң Галилей чиріндегі Кана аалда той полған. Иисустың іҷезі андох полған.

Иоанн 3:16

Худай, прай кізілерге тың хынғаннаңар, Позының чалғыс Оолғын даа ӧлімге ысхан. Іди ызып, Оолғына киртінчеткен полған на кізее ӧлбеске, мӧгі чуртастығ поларға оңдай пирген.

Иоанн 4:42

Ам синің сӧстерің хоостыра ла нимес, че позыбыс истіп паза Аның чир-чарыхтың сын Арачылағҷызы Мессий-Христос полчатханын піліп алып, киртінчебіс, – тееннер олар пайаағы ипчее.

Иоанн 6:51

Худайдаң тӱсчеткен тигірдегі тіріг халас Минмін. Пу халасты чіпчеткен кізі мӧгі чуртастығ полар. Минің пирер халазым Минің ит-сӧӧгім полча. Мин аны чир-чалбахтағы кізілернің чуртастары ӱчӱн пирібізербін.

Илҷілернің 13:39

Прай нимеде, хайда сірер, Моисей Чахии пастыра чазыхтарыңнаң позып полбаазар, Ағаа киртінчеткеннернің полғаны ла Аннаң пастыра позып алар.

Илҷілернің 8:32

Ол Худай Пічиинде хығырчатхан орын, тізең, мындағ полған: Аны, хойны чіли, ӧлімге апарғаннар. Хырыхчатхан кізінің алнында хураған хайдағ табыс-тубыс чох поладыр, Ол ідӧк ахсын пір дее аспаан.

1 Коринфтегілерге 15:3

Мин позым аны пастабох хайди алынғам, сірерні ағаа іди ӱгреткем нооза: Худай Пічии хоостыра Христос пістің чазыхтарыбыс ӱчӱн ӧл парған.

2 Коринфтегілерге 5:21

Чазығы чох Христосты Худай пістің чазыхтарыбыс ӱчӱн хатығлап салған. Аннаңар піс, Христосха киртінчетсебіс, Худайның алнында арығ кӧңніліг полчабыс.

Галат чиріндегілерге 1:4

Худай Пабабыстың кӧңні хоостыра Иисус Христос, пісті пу чабал тустардаң осхырарға тіп, пістің чазыхтарыбыс ӱчӱн Позының чуртазын пир салған нооза.

Галат чиріндегілерге 3:13

Христос пісті Моисей Чахиинда пазылых харғастаң ал халған. Позы, тізең, пістің орныбысха харғатхан. Ағаста палғат салғаны харғатхан тіп пазылых нооза.

Титке 2:14

Ол, пісті хайдағ даа чабал киректең ал халар паза ах-арығ чон ит салар ӱчӱн, Позының тынын пир салған. Амды піс Аның чоныбыс паза чахсы киректер идерге салынчабыс.

Еврейлерге 1:3

Оолғы – Пабазының сабланызының чарии полып, Аның сын Позының омазы полча. Ол Позының кӱстіг сӧзінең тиксі-тилекейні орнында тутча. Ол, пісті чазыхтарыбыстаң ахтабызып, тигірде илбек Худайның оң саринда одыр салған.

Еврейлерге 2:17

Аннаңар Иисусха, Худайның алнында сын паза чағбан чӱректіг иң улуғ абыс полар ӱчӱн, Авраам тӧлі осхас поларға кирек. Прай ол ниме Худайдаң кізілернің чазыхтарын тастабызардаңар сурынып алар ӱчӱн полған.

Еврейлерге 9:28

Христос таа ідӧк, кӧп чонны чазыхтаң арығлабызар ӱчӱн, Позын пір хати тайыға салған. Ікінҷізін ол, чазыхтаң арығлабызарға тіп нимес, че Аны сағыпчатханнарны арачылир ӱчӱн килер.

1 Петрның 1:19

Че сірернің ӱчӱн Христостың ханынаң тӧлелді. Ол, пір чазых чох арығ хураған чіли,

1 Петрның 2:24

Пістің чазыхтарыбысты Ол Позының иді-ханынаң ӧӧре кӧдірібіскен паза кіреске хазатырт салған. Ол анзын пістің чазыхха ӧл парарыбыстың, орта чуртасха, тізең, айлан парарыбыстың ӱчӱн иткен. Аның палығлары сірерні чазылдыр салғаннар.

1 Петрның 3:18

Христос пір хати пістің ӱчӱн иреелен парған. Орта чуртапчатхан Позы сайбағҷыларның ӱчӱн ирееленген. Ол анзын пісті Худайзар ағыларға тіп иткен. Христос кізі чіли ӧдірт салған, че Худынаң тіріл парған.

1 Иоанның 2:2

Ол пістің паза пістің не нимес, че прай чир ӱстӱндегі кізілернің чазыхтары ӱчӱн тайыға салдыртхан.

1 Иоанның 3:5

Сірер пілчезер, Иисус Христос пістің чазыхтарыбысты позыдарға килген. Аның Позында пір дее чазых чоғыл.

1 Иоанның 4:10

Худайның хынызы хайдағ? Піс Худайға нимес, че Худай піске пурун хынған, Оолғын, тізең, пістің чазыхтарыбысты арығлаҷаң тайығ ползын тіп, чир-чалбахсар ысхан.

Азых чоох 12:11

Олар сайтанны Хурағанның ханынаң паза постарының киречіленіс сӧзінең чиңіп алғаннар. Олар постарының тыннарын даа айабааннар, ӧлімнең дее тиспееннер.

Азых чоох 13:8

Чир ӱстӱндегі чуртас пічиине аттары пазылбаан прай кізілер ол аңа пазырарлар. Ол чуртас пічии чир ӱстӱ чайалар алнындох пазыл парған паза тайыға салылған Хурағанни полған.

Азых чоох 14:1

Мында мин Хурағанның Сион тағда турчатханын кӧр салғам. Аннаң хада 144 муң кізі полған. Оларның хамахтарында Хурағанның паза аның Пабазының аттары пазыл парған полғаннар.

Азых чоох 14:10

ол тарығыс, хазыр, хызыл арағаны ізер. Ол араға Худайның ӧкпеленіс чірчезіне урылған полған. Аны іскен кізі ах-арығ ангеллернің паза Хурағанның кӧзіне кӧйчеткен серада иреелееннер.

Азых чоох 14:4

Олар постарының чуртастарында, ипчілернең чӧрбин, арығ чуртааннар. Олар, Хураған хайдар парза, андар Аның соонҷа чӧргеннер, Худайның паза Хурағанның тун палалары полып, чирдең толығ тӧлеп алылғаннар.

Азых чоох 15:3

Олар Худай нымысчызы Моисейнің паза Хурағанның сарынын сарнапчалар: – Илбек паза хайхастығ Синің иткен киректерің, ӧӧркі Чайаачы, Прай нимедең кӱстіг Худай! Син Ах-арығ кізілеріңнің Ханы! Синің чолларың орта паза сын!

Азых чоох 17:14

Олар Хурағаннаң чаалазарлар, че Хураған оларны утып алар. Ол пиглернің Пигі, ханнарның Ханы полча нооза. Аның хығырған паза таллап алған сын чӱректіг кізілері аннаң хадалар.

Азых чоох 19:7

Хурағанның тойы чит килгеннеңер, ӧрінееңер паза кӧглееңер! Аны сабландырааңар! Аның алчатхан хызы чазан салды.

Азых чоох 19:9

Пас сал: Хурағанның тойына хығыртылғаннар часкалығлар! – теен мағаа ангел. – Пу Худайның сын сӧстері! – тіп хосхан соонаң.

Азых чоох 21:14

Саарның ханазы он ікі тӧстіктіг полған, ол тӧстіктерде Хурағанның он ікі илҷізінің аттары пазыл парған.

Азых чоох 21:27

Пеер пір дее кірліг ниме паза пір дее уйадыстығ ниме итчеткен чой кізі кірбес. Пеер Хурағандағы чуртас пічиинде пазыл парған на кізілер кірерлер.

Азых чоох 21:9

Халғанҷы читі чобағның читі айағын тутчатхан читі ангелнің пірсі, минзер пас киліп, теен: – Парааң, мин сағаа Хурағанның алчатхан хызын кӧзіт пирербін.

Азых чоох 5:6

Андада мин ӱлгӱ сіреезінің ортызында турчатхан Хурағанны кӧр салғам. Ол тайыға соғылған малға тӧӧй полған. Ол пайаағы тӧрт аңның паза ах сағалларның аразында турған. Хурағанның читі мӱӱзі паза читі харағы пар полған. Ол харахтар Худайның прай чир ӱстӱне ызылған читі худы полған.

Азых чоох 5:8

Ол аны алып алғанда, тӧрт аң паза чибіргі тӧрт ах сағал Хурағанның алнында тӱңдере тӱскеннер. Оларның полғанының на холында хомыс паза тадылығ чыстығ оттығ алтын чірче полған. Ол тадылығ чыстығ оттар ах-арығ кізілернің Худайны сабландырчатхан сӧстернең пазырғанын таныхтапчалар.

Азых чоох 6:1

Анаң Хурағанның читі таңманың пастағызын суурыбысханын кӧр салғам. Соонаң тӧрт аңның пірсінің, кӱгӱрт чіли кӱзӱреп, чоохтанғанын ис салғам: – Кил паза кӧр!

Азых чоох 6:16

Олар тағларға паза хайаларға хысхырғаннар: – Пістің ӱстӱбіске иңзеріліңер, ӱлгӱ сіреезінде одырчатхан Худайның паза Хурағанның ӧкпеленізінең пісті чазырыбызыңар!

Азых чоох 7:14

Син позың пілчезің, – тіп нандырғам. – Олар илбек чобағдаң сыхханнар, – теен ол мағаа андада. – Постарының кӧгенектерін Хурағанның ханында чууп, оларны ағартып алғаннар.