Иоанн 1:10 - Наа Молҷағ

¹⁰ Сын Чарых чир ӱстӱнде полған, чир ӱстӱ Аннаң пастыра чайалған, че кізілер Аны таныбааннар.

Иоанн 1:10 ပူးပေါင်းရင်းမြစ်များ

Матфей 11:27

Пабам прай нимені Мағаа пирген. Оолғын Пабазынаң пасха пір дее кізі пілбинче, Пабазын даа Оолғынаң пасха, паза Оолғы Пабазынаң таныстырарға хынған кізілердең пасха пірдеезі пілбинче.

Иоанн 1:11

Ол Позының чонынзар килген, че олар Аны постарына чағын кирбееннер.

Иоанн 1:18

Худайны пір дее кізі хаҷан даа кӧрбеен. Пабазының иң чағыны, чалғыс Оолғы ла, кӧріп, Аннаңар піске, прай чоллап, искір пирген.

Иоанн 1:3

Ол прай нимені чайаан, Ол чох пір дее ниме чайалбаан.

Иоанн 1:5

Чарых харасхыда чарыпча, харасхы, тізең, аны пір дее чаап полбаан.

Иоанн 17:25

Орта нимее хынчатхан Пабам! Чир ӱстӱ Сині пілбинче, че Мин Сині пілчем. Мині ысханыңны даа Мағаа пирген кізілерің пілчелер.

Иоанн 5:17

Иисус, тізең, оларға теен: – Пабам тынағ чох тоғынча. Мин дее ідӧк тоғынчам.

Илҷілернің 14:17

Ол піске, чахсызын читіріп, тигірдең наңмыр, чахсы тамах сыхчаң чыллар, ас-тамах пирҷең, паза чӱректерібісті ӧрініснең толдырҷаң. Іди Ол Позынаңар ӱзігі чох киречілеп сал турған.

1 Коринфтегілерге 1:21

Тилекей позының хыйғазынаң Худайны Аның хыйғазында піліп албааннаңар, Худай киртістіглерні «нимее чарабаан» ӱгредігдең арачылап халарға иткен нооза.

1 Коринфтегілерге 2:8

Пу хыйға сағысты амдығы тустарның ӱлгӱлері піліп албааннар. Пілген ползалар, тізең, сабланыс Хан-пигін кіреске хазабасчыхтар.

Колоссадағыларға 1:16

Тигірдегізі паза чирдегізі, кӧрінчеткені паза кӧрінмезі – прай ниме Аның пастыра пӱткен: ӱлгӱ сіреелерінде одырчатханнар ба, хан-пиг полчатханнар ба, пастыхтар ба, ӱлгӱлер бе – прай ол Аның пастыра паза Ағаа пӱдірілген.

Еврейлерге 11:3

Тиксі-тилекей Худайның сӧзі хоостыра пӱт парған. Анзын піс киртінізібіс пастыра ізестіг пілчебіс. Піс кӧрчеткен ниме харахха кӧрінмес нимедең пӱт парған.

1 Иоанның 3:1

Кӧріңер зе! Худай Пабабыс піске хайди хынча! Пісті Худай палалары тіп адапча. Піс сыннаң даа Аның палаларыбыс. Чир-чалбахха хынчатхан кізілер, Худайны пілбееннеңер, пісті дее пілбинчелер.