Илҷілернің 7:52 - Наа Молҷағ

⁵² Ухаанҷыларның хайзын сірернің ӧбекелерің сӱрбееннер? Олар пеер Арығ Чӱректіг Кізінің килерінеңер искірген ухаанҷыларны ӧдір салғаннар, сірер дее Аны, садып, ӧдірген кізілер пол пардыңар амды.

Илҷілернің 7:52 ပူးပေါင်းရင်းမြစ်များ

Матфей 5:12

Тигірде сірерні илбек тӧлег сағыпча, аннаңар ӧрініңер паза кӧглеңер. Сірернің алнында даа чуртаан ухаанҷыларны ідӧк сӱрҷеңнер.

Лука 6:23

Ол кӱнде сірер ӧрініңер паза чалахай полыңар. Тигірде сірерні илбек тӧлег сағыпча. Пу кізілернің ӧбекелері ухаанҷыларға сах іди иткеннер.

Иоанн 16:10

Пабамзар парчатханым паза кізілернің пірдеезі Мині кӧр полбазы Минің орта ӱгретчеткенімні кӧзітчелер. Пу нимені кізілерге Турысчы кӧзіт пирер.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Илҷілернің 22:14

Ол, тізең, мағаа теен: «Пістің ӧбекелерібістің Худайы сині, Позының кӧңнін піліп алзын, Арығ Чӱректіг Кізізін кӧріп алзын паза Аның ӱнін истіп алзын тіп, азынада таллап алған.

Илҷілернің 3:18

Худай, Мессийге ирееленерге килізерінеңер, ухаанҷылары пастыра хаҷанох чарлаан полған, амды, тізең аны, толдыр салған.

Илҷілернің 3:24

Самуилдең пастади аның соонда даа чоохтанған ухаанҷыларның прайзы пу кӱннердеңер искірген.

Илҷілернің 4:10

піліңер, прай Израиль чоны даа пілзін: Назареттең сыххан Иисус Христостың адынаң имнедібіс. Сірерге кіреске хазадып ӧдірткен, анаң Худайға ӧлімнең тірілдірткен Иисус аны, хазых идіп, азахха турғысты.

1 Фессалониктегілерге 2:15

Ол иудейлер Хан-пигібіс Иисус Христосты паза Аның ухаанҷыларын ӧдір салғаннар. Пісті дее сығара сӱрібіскеннер. Худайның кӧңнін толдырбин, прай даа кізілерге тоғырланчалар.

2 Тимофейге 3:4

садынҷах, хабылаачы, хоғдайаачы, Худайға сабылар орнына чуртас хыниина тартылар пол парарлар,

1 Петрның 1:11

Ухаанҷы кізілерде полған Христостың Худы Христостың ирееленістерінеңер паза Аның соондағы сабланызынаңар оларға азынада чоохтаан. Олар анзын хаҷан паза хайди поларын істескеннер.

1 Иоанның 2:1

Палаларым! Мин сірерге, чазых итпезіннер тіп, пу нимені пасчам. Че сірернің пірееңер чазых ит салза, Худай Пабаның алнында пістің алныбыс алҷаң Иисус Христос пар. Ол ах-арығ нооза.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Азых чоох 3:7

«Филадельфтегі тигірибнің ангеліне пас пир: Ол асхан нимені пірдеезі чаап полбас, Ол чапхан нимені дее пірдеезі ас полбас, Давид ханның клӱзін тутчатхан Сын паза Ах-арығ Иисус піди тіпче: